بریكاری كارەكانی ئەلفۆنسۆ باس لە داهاتووی یاریزانەكە دەكات
یاریگا –
نیدال هۆسێ، بەڕێوەبەری كارەكانی ئەلفۆنسۆ دەیڤز ئەستێرەی لاوی هەڵبژاردەی كەنەدا و یانەی بایرن میونشنی ئەڵمانی باس لە داهاتووی یاریزانەكە دەكات.
گرێبەستەكەی ئەلفۆنسۆ لەگەڵ بایرن لە ساڵی 2025 بەسەردەچێت و زۆربەی سەرچاوەكان باس لەوە دەكەن كە بایرن هەوڵی نوێكردنەوەی گرێبەستەكەی دەدات.
هەروەها لەلایەكی ترەوە سەرچاوەكان باس لەوە دەكەن كە ریال مەدرید دەیەوێت یاریزانە كەنەدیەكە بگوازێتەوە لە گواستنەوەی هاوینی داهاتوودا بۆ پتەوكردنی باڵی چەپی یانەكەی.
بەپێی زانیاریەكانی رۆژنامەی بێڵد بەڕێوەبەری كارەكانی دەیڤز باس لە داهاتووی یاریزانەكە لەگەڵ یانە ئەڵمانیەكە دەكات.
بەڕێوەبەری كارەكانی دەیڤز ووتی: لە ئێستادا ناسەقامگیری و سەرلێشێواوییەکی زۆر لە ئیدارەی بایرن میونشن هەیە.
لەدرێژەی قسەكانیدا ووتی: ڕەنگە باشتر بێت چاوەڕێی ساڵی 2024 بکەین و بزانین شتەکان لەگەڵ یانەکەدا چۆن دەڕۆن پێش ئەوەی دانوستان لەسەر نوێکردنەوەی گرێبەستەکە بکەین.
Alphonso Davies agent Nedal Huoseh: “There seems to be too much instability and uncertainty about the direction of Bayern now”, told BILD. 🚨🔴🇨🇦
“Maybe it's better if we wait until 2024 and see how things develop with the club before we move on to a new contract”. pic.twitter.com/XcOYcsis42
— Fabrizio Romano (@FabrizioRomano) May 29, 2023
هەروەها لە ماوەی رابردوودا چەند هەواڵێك ئاماژەیان بە خواستی مانچێستەر سیتی كرد بۆ گواستنەوەی یاریزانە كەنەدیەكە.
