ئارتیتا: ئەرسیناڵ لەسەر ڕێگای ڕاستە

یاریگا: مایكڵ ئارتیتا، ڕاهێنەری یانەی ئەرسیناڵی ئینگلیزی دڵخۆشی خۆی بە ئاستی یانەكەی دەربڕی.

ئەرسیناڵ لە پۆتسمۆسی بردەوە و خۆی گەیاندە قۆناغی داهاتووی جامی یەكێتی ئینگلتەرا.

دوای یاریەكە ڕاهێنەرەكەیان ووتی: من دڵخۆشم بە ئاستی یاریزانەكانم ، بە ئاستی یاریزانە لاوەكان ئەوان شایستەی پێدانی هەلن.

هەروەها ووتیشی: كەش و هەوای یاریەكە نایاب بوو پۆتسمۆس وایان كردن یاریەكە سەخت بێت،لە هەندێك كات ئەوان باشتر بوون، بەڵام دوو گۆڵمان تۆمار كرد و یاریەكەمان لە بەرژەوەندی خۆمان كۆتایی پێهێنا.