یاریگا-
ئێرلینگ هالاندی نەرویجی و هێرشبەری یانەی مانچێستەر سیتی، دووپاتیكردەوە کە زۆر حەزی لە گاڵتەکردنە لەگەڵ هاندەرانی یانەی مانچێستەر یۆنایتدی دراوسێیان.
هالاند لە لێدوانیدا كە تۆڕی تۆتۆ مێركاتۆ بڵاویكردووەتەوە ووتی: لەگەڵ سانچۆ (یاریزانانی یونایتد) پەیوەندییەکی بەهێزمان هەبووە لەناو یاریگا و دەرەوەی یاریگا کاتێک لە دۆرتمۆند بووین، بەڵام ئێستا ئەو لە تیپی بەرامبەردا یاری دەکات، بۆیە دەبێت بە دزییەوە بچینە دەرەوە بۆ بینینی یەکتر.
“بەهەر حاڵ، هەمووی گاڵتەجاڕییە و من زۆرم حەز لە گاڵتەكردنە، ئێمە لێرە لە شارەکەدا هەندێک هاندەری یونایتدمان ناسیوە و هەمیشە لەگەڵ یەکتردا گاڵتە دەکەین”.
هەروەها دەڵێت: نابێت هەموو شتێک زۆر بە جددی وەربگرین، هاندەرانی مانچێستەر یونایتد زۆرن لە نەرویج، بۆیە من ڕاهاتووم بە گاڵتەکردن لەگەڵیان و ئەوەم پێ خۆشە.
