یاریگا-تیێری هێنری دەڵێت باڵۆن دۆری ئەمساڵ پێویستی بە دەنگدان نیە و کەریم بەنزیمە بەدڵنیاییەوە دەیباتەوە.
دوابەدوای بردنەوەی خولی ئیسپانی و خولی پاڵەوانەکانی ئەورووپا و نیشاندانی ئاستێکی نمونەیی لەم وەرزەدا، زۆرێک هاوڕان کەریم بەنزیمە شایستەی تۆپە ئاڵتوونییەکەی ئەمساڵە.
تیێری هێنری هاونیشتیمانی پاش یارییەکەی شەوی رابردوو بۆ سی بی ئێس وتی “دەمەوێت شتێک بە فرانس فوتبۆڵ یان هەر کەسێکی دیکە کە بەرپرسە لە دیاریکردنی براوەی باڵۆن دۆر، دەنگدان واز لێبێنن چونکە بەنزیمە لە ئێستاوە براوەیە”.
هێنری بەتەنها نیە لەم بۆچوونەدا و دیدیە دیشامبی راهێنەری فەڕەنساش وتی “بەر لە بردنەوەی خولی پاڵەوانەکان ئەو هەر یەکێک بوو لە کاندیدەکان بەڵام ئێستا ئەو باسە گفتوگۆ هەڵناگرێت”.
