یاریگا-
یانەی لیڤەرپولی ئینگلیزی یەكێك لە یاریزانە لاوەكانی یانەی بارسێلۆنای ئیسپانی دەوێت و دەیەوێت بیگوازێتەوە ڕیزەكانی.
بەپێی زانیاریەكانی ڕۆژنامەی سپۆرتی كەتەلۆنی لیڤەرپول هەوڵی ڕازیكردنی گاڤی دەدات كە گرێبەستەكەی نوێ نەكاتەوە و پەیوەندی بە ئەنفێلدەوە بكات.
گرێبەستەكەی گاڤی 17 ساڵان لەگەڵ بارسێلۆنا لە هاوینی 2023 بەسەردەچێت و بڕی هەڵوەشاندنەوەی گرێبەستەكەشی 50 ملیۆن یۆرۆیە.
یانە كەتەلۆنییەكە دەیەوێت بە زوویی گرێبەستی لاوەكەی تا ساڵی 2027 نوێ بكاتەوە و بڕی هەڵوەشاندنەوەی گرێبەستەكەشی بكاتە یەك ملیار یۆرۆ ، تا پارێزگاری لە مانەوەی بكات.
