یاریگا–
ئێرلینگ هالاند، هێرشبەری نەرویجی یانەی بورووسیا دۆرتمۆندی ئەڵمانیا تاوەکو ئێستا خۆی یەکلایی نەکردووەتەوە ئایا وەرزی داهاتوو لەگەڵ یانەکەی بەردوەوام دەبێت یاخود نا، بۆیە یانەکەی داوای لێکردووە چارەنوسی خۆی یەکلایی بکاتەوە.
رۆژنامەی وەرزشی بیڵدی ئەڵمانی بڵاویکردەوە، کارگێری زەردەوالەکان داوایان لە هێرشبەری نەرویجی یانەکەیان کردووە، تاوەکو مانگی دووی ساڵی داهاتوو چارەنوسی خۆی یەکلایی بکاتەوە، بۆ ئەوەی ئەوانیش شوێنگرەوەی دیاری بکەن.
سەرچاوەکە ئەوەشی بڵاوکردووەتەوە چەندین یانە لەسەر هێڵن بۆ گواستنەوەی هالاند، بەڵام تاوەکو ئێستا هیچ کامیان بەفەرمی ئۆفەریان پێشکەش بە یانەکەی نەکردووە.
