یاریگا-
میمفیس دیپای هۆڵەندی و هێرشبەری یانەی بارسێلۆنای ئیسپانی باس لە بارودۆخی ناو یانە كەتەلۆنییەكە دەكات دوای پەیوەندیكردنی بە یانەكەوە.
دیپای لە لێدوانیدا كە پێگەی فوتبۆل ئیسپانیا بلاویكردووەتەوە ووتی: هەمووان لە بارسێلۆنا زۆر باشن لەگەڵم ، ئەوەش شتەكەی ئاسان كردووە بۆ من.
هەروەها ووتیشی: پیكێ زۆر هاوكاریم دەكات و زمانی ئینگلیزی زۆر باشە هەروەها لەگەل ئەلبا زۆر گاڵتە و خۆشی دەكەین ، لەگەل دیست و دی یۆنگ ، وەك ئەوەی چاوەڕوانم دەكرد كەش و هەوای ژوری خۆگۆڕینی بارسا نایابە.
بەردەوام بوو ووتی: تەنانەت نەمتوانی سڵاوێك لە میسی بكەم ، دواكەوت لە پەیوەندیكردنی بە یانەكەوە بە هۆی كۆپا ئەمریكا و بەسەربردنی پشووەكەیەوە.
لە درێژەی قسەكانیدا ووتی: دەزانم ڕونالد كومان چی لە من دەوێت و دەزانم دەبێت چی بكەم.
