کۆستا ئەورووپا جێدەهێڵێت

یاریگا-دۆگلاس کۆستا بەنیازە بگەڕێتەوە بەڕازیل و ئەورووپا جێبهێڵێت.

هێرشبەرەکەی یوڤێنتۆس ئەم وەرزەی بە خواستن لە بایەرن میونشن بەسەربرد و تەنها لە ١١ یاریدا بەشداریکرد لەم وەرزەدا، هەڵکشانی تەمەنی بۆ ٣٠ ساڵ و بەردەوامیی پێکانەکانی وای لەو یاریزانە کردووە بگەڕێتەوە وڵاتەکەی و یاری بۆ گریمیۆ بکات.

بەگوێرەی گلۆبۆ سپۆرت، کۆستا و گریمیۆ چاویان بەیەک کەوتووە و پێشهاتەکان خێرادەچنە پێش. یۆڤی رازییە بە خواستن بۆ یەک وەرز بیدات بە گریمیۆ و ٣/١ی موچەکەشی بدات کە دەگاتە ١٩٥ هەزار پاوەندی هەفتانە.

دۆگڵاس ئێستا بە دەست پێکانێکی درێژخایەنەوە دەناڵێنێت و ماوەی گەڕانەوەی دیارنیە.