یاریگا–
ئێرلینگ هالاند، گۆڵکارە لاوەکەی یانەی بورووسیا دۆرتمۆندی ئەڵمانیا، بە هۆی ئاستە بەرزەکەی بووەتە ئامانجی چەندین یانەی گەورەی ئەوروپا و چاوەڕێ دەکرێت هاوینی داهاتوو خواستێکی زۆری لەسەر بێت.
رۆژنامەی دەیلی ئێکس پرێسی بەریتانی زانیاریی دەستکەوتووە، هەردوو یانەی چێڵسی و مانچێستەر یونایتد رکابەری یەکتری دەکەن، بۆ بەدەتس هێنانی تواناکانی ئەم گۆڵکارە لاوە، بەڵام کارگێزی بلوز لە ئێستاوە راستەوخۆ لەسەر داوای رۆمان ئابرامۆڤیچ سەرۆکی یانەکەیان، هەوڵەکانیان بۆ گواستنەوەی ئەو یاریزانە دەست پێکردووە و ئامادەن مەرجی هەڵوەشاندنەوەی گرێبەستەکەی پێشکەش بە یانە ئەڵمانیەکە بکەن.
هالاند تاوەکو هاوینی ساڵی 2024 گرێبەستی لەگەڵ بورووسیا دۆرتمۆند هەیە و ئەو یانەیەش مەرجی هەڵوەشاندنەوەی گرێبەستەکەی بە 75 ملیۆن یۆرۆ دەست نیشانکردووە.
