یاریگا–
سێرخیۆ رامۆس، بەرگریکاری ئیسپانی یانەی ریال مەدریدی ئەم وڵاتە توانی ژمارەی بردنەوەکانی لە مێژووی لالیگا لەگەڵ ئیکەر کاسیاس گۆڵپارێزی پێشووی یانەکەی یەکسان بکاتەوە.
ماڵپەری فەرمی یانەی ریال مەدریدی ئیسپانیا بڵاویکردووە بەرگریکارەکەی یانەکەیان دوای گەڕانەوەی لە پێکان بەشداری بردنەوەی یانەکەیان بەرامبەر ئێلچێ کرد و ژمارەی بردنەوەکانی لە لالیگا گەیاندە 334 بردنەوە، 19 بردنەوە لەگەڵ سێڤییا و 315 بردنەوەش لەگەڵ یانەکەیان و بەمەش ریکۆردی گۆڵپارێزی پێشووی یانەکەیانی یەکسان کردەوە.
رامۆس لە دوای لیۆنێل میسی گۆڵکاری مێژووی بارسێلۆنا کە خاوەنی 377 بردنەوەیە، لە پلەی دووەم دێت.
