ئه‌وروپا
لاوتارۆ داهاتووی خۆی لەگەڵ ئینتەر میلان یەكلادەكاتەوە
یاریگا- لاوتارۆ مارتینیزی ئەرجەنتینی و هێرشبەری یانەی ئینتەر میلانی ئیتاڵی داهاتووی خۆی لەگەڵ یانەكەی یەكلا دەكاتەوە.
لە سەرەتایی وەرزی ڕابردووەوە ناوی هێرشبەرە ئەرجەنتینیەكە بە بارسێلۆناوە بەسترابوویەوە.
بەڵام خواستی یاریزانەكە بە جۆرێكی ترە و لە چاوپێكەوتنێكیدا بۆ تۆڕی تۆتۆ مێركاتۆی ئیتاڵی ووتی: هاوینێكی ماندووكەر بوو ، بەلام ئەمڕۆ لە ئینتەر میلانم هەست بە دڵخۆشیەكی گەورە دەكەم ، میلانۆ شارێكی جوانە.
سەبارەت بە نوێكردنەوەی گرێبەستەكەی ووتی: بەڕێوەبەری كارەكانم و یانەكە ئەو كارە دەكەن ، من لەسەرخۆم ، تەنها بیرم لای یانەكە و پێشكەشكردنی تەواوی تواناكانمە ، لە زووترین ماوەدا دەگەنە ڕێككەوتن.
