پۆستەکەیان پێ سڕینەوە؛ چێڵسی بەهۆی ئێنزۆ فێرناندێزەوە مشتومڕێکی گەورە لە ئینگلتەرا دروست دەکات
دەستبەجێ کاردانەوەی توندی لێکەوتەوە
یاریگا –
چێڵسی خۆی لە ناوەندی مشتومڕێکی گەورەدا بینییەوە لە ئینگلتەرا دوای ئەوەی یانەکە ناچار کرا پۆستێکی تۆڕە کۆمەڵایەتییەکان بسڕێتەوە کە تێیدا ئاهەنگی بۆ ئێنزۆ فێرناندێز گێڕابوو پاش ئەوەی لە یاریی پێشکۆتایی مۆندیالدا بەرامبەر ئینگلتەرا گۆڵی کرد.
دوای ئەوەی ئێنزۆ گۆڵی یەکسانبوونی ئەرجەنتینی بەرامبەر ئینگلتەرا کرد، یانەکەی لەندەن بە شانازییەوە وێنەیەکی ئەو یاریزانەی هێڵی ناوەڕاستی لە کاتی ئاهەنگگێڕان بۆ گۆڵەکە بڵاوکردەوە، کە ئیمۆجیی یاریی ئاگرینی لەگەڵدا بوو.
کاردانەوە توندەکان دەستبەجێ بوون. هەزاران لایەنگری چێڵسی و هاندەرانی ئینگلتەرا رەخنەیان لە پۆستەکە گرت و سەرسوڕمانی خۆیان نیشاندا کە یانەیەکی ئینگلیزی ئاهەنگ دەگێڕێت بۆ گۆڵێک کە بەرامبەر تیمی نیشتمانیی خۆی کراوە، گۆڵێک کە لە کۆتاییدا بووە هۆی بێبەشبوونی ئینگلتەرا لە گەیشتن بە یاریی کۆتایی مۆندیال.
View this post on Instagram
دوای ئەو شەپۆلە رەخنەییە، چێڵسی پۆستەکەی لە تەواوی پلاتفۆرمەکانی تۆڕە کۆمەڵایەتییەکان سڕییەوە، چونکە ببووە هۆی تووڕەیییەکی زۆر لەنێوان لایەنگرانی خۆیدا.
دوای سڕینەوەی بابەتەکە، یانەکە بڕیاریدا دوای فیکەی کۆتایی چیدیکە هیچ شتێک بەستراو بە یاریی پێشکۆتایی بڵاو نەکاتەوە. بەڵام پێش دەستپێکردنی یارییەکە، چێڵسی پۆستێکی بڵاوکردبووەوە کە تێیدا هەریەکە لە ریس جەیمس و ئێنزۆ فێرناندێز دەرکەوتبوون، وەکوو ئاماژەیەک کە هەردوو یاریزانەکە سەر بە یانە لەندەنییەکەن و لە پێکهاتەی سەرەکیدا بوون.
