مامۆستایانی فێڵە شاراوەکان؛ سەرجەمی ئەو 31 فێڵە ناشیرینەی ئەرجەنتین بەرامبەر ئینگلتەرا بەکاری هێنان

یاریگا –

مامۆستایانی فێڵە شاراوەکانی ئەمریکای باشوور لە یاریی پێشکۆتایی مۆندیالدا بەگوێرەی ناوبانگی خۆیان جووڵانەوە.

دۆڕانی ئینگلتەرا لە یاریی پێشکۆتایی مۆندیالدا بەرامبەر ئەرجەنتین، لەژێر کاریگەریی هەوڵە بەردەوامەکانی تیمی ئەمریکای باشووردا بوو بۆ تێکدانی دەروونیی تیمەکەی تۆماس توخێل. لە لێدانی توند و سەرکێشیی بێ تۆپەوە تاوەکوو هەوڵدان بۆ دەرکردنی هاری کەین بە کارتی سوور، ئەرجەنتین هەموو جۆرە فێڵێکی ناشیرینی بەکارهێنا بۆ ئەوەی بیسەلمێنێت کە بە راستی مامۆستای فێڵە شاراوەکانە.

تێلێگراف چرکە بە چرکەی رووداوەکان دەخاتەڕوو.

خولەکی 1: توندیی یارییەکە هەر لە خولەکی یەکەمەوە دەست پێ دەکات، کاتێک ئالێکسیس ماک ئالیسەر تەنیا 19 چرکە دوای دەستپێکردنی یارییەکە، بە توندی لە ئێلیۆت ئاندەرسن دەدات پاش ئەوەی فشاری دەخاتە سەر.

خولەکی 2: گرژی دروست دەبێت کاتێک لیاندرۆ پارێدێس بێ هۆکار لە پشتی جود بێڵینگهام دەدات و پاڵی پێوە دەنێت، ئەمەش وای کرد یاریزانەکەی ریال مەدرید وەڵامی بداتەوە و یاریزانانی هەردوو لا بکەونە نێوانیانەوە.

خولەکی 3: تاکتیکی ئەرجەنتین بۆ رێگریکردن لە دروستکردنی یاری لەلایەن ئینگلتەراوە روون دەبێتەوە، کاتێک تەنیا چەند چرکەیەک دوای دەستپێکردنەوەی یارییەکە، ئینزۆ فێرناندێز بە درەنگکەوتنەوە بە ئەنیشک لە پشتی سەری ئاندەرسن دەدات.

FALTA E PRA AMARELO. MAS… https://t.co/1KU8dAfx9T pic.twitter.com/O588aVtW3d

— “Entre aspas” — Futebol (@entreaspasfut) July 15, 2026

خولەکی 6: یاریزانە نوێیەکەی مانچێستەر سیتی بە بەهای 166 ملیۆن پاوەند جارێکی دیکە دەکەوێتە نێو ململانێکانەوە کاتێک جولیانۆ سیمۆنی، کوڕی دیێگۆ سیمۆنیی راهێنەری ئاتلێتیکۆ مەدرید، لە پشتەوە لە پێی ئاندەرسن دەدات.

خولەکی 11: یاریزانانی ئینگلتەرا دەست بە پەرچەکردار دەکەن، کاتێک فێرناندێز بەهۆی فاولێکی دیکە لەسەر ئاندەرسۆن سزا نادرێت؛ لە کاتێکدا یارییەکە بەردەوامە، ئەو دووانە لە کاتی هەستانەوەیاندا لەسەر زەوی زۆرانبازی دەکەن.

خولەکی 11: لە هەمان کاتدا، مۆرگان رۆجەرز هەوڵ دەدات بگەڕێتەوە دواوە بۆ بەرگری لە کاتێکدا ئەرجەنتین تۆپەکە بە خێرایی دەگوازێتەوە، بەڵام یاریزانی هێڵی ناوەڕاستی ئاستۆن ڤیلا بە ئەنقەست دەخرێت سەر زەوی.

خولەکی 13: دوای ئەوەی ناوبژیوانی یاریدەدەر فیکەی ئۆفساید لەسەر سیمۆنی لێدەدات، جۆردان پیکفۆرد بۆ گرتنی تۆپەکە خۆی بە سیمۆنیدا دەکێشێت و یاریزانەکەی ئاتلێتیکۆ مەدریدیش پێی خۆی بەرەو رووی رادەوەشێنێت.

خولەکی 15: لیاندرۆ پارێدێس تۆپەکە بە لێهاتوویی لە بێلینگهام دەستێنێت، بەڵام بێلینگهام بەهۆی توندیی لێدانەکەوە لەسەر زەوی دەمێنێتەوە و هاوکات یاریزانە ئەرجەنتینییەکە بە توندی سەرکۆنەی دەکات و هاواری بەسەردا دەکات.

خولەکی 16: ئانتۆنی گۆردن بەرەو پێشەوە رادەکات و دەستبەجێ لە لایەن سیمۆنییەوە دەخرێتە سەر زەوی، کە لە کاتی گەڕانەوەیدا بۆ بەرگری لە لێدانی راستەوخۆ، بە شێوازێکی بێڕێزانە دەست بە سەری گۆردندا دەهێنێت.

خولەکی 24: ناوبژیوان ئیسماعیل فاتح لە کاتی کۆڕنەرەکە ئاگاداریی دەداتە سیمۆنی کە رێگری لە پیکفۆرد نەکات، بەڵام ئەو هەر دەیکات. فاتح هەر کە کۆرنەرەکە لێدەدرێت، فیکەی فاوڵ لێدەدات.

The referee is also a player of argentina pic.twitter.com/ozFNg5bqcB

— MUSAB (@A__MUSAB) July 16, 2026

خولەکی 28: ماک ئالیستەر بە درەنگکەوتنەوە لە ریس جەیمس دەدات، بەڵام وەکوو فاول هەژمار ناکرێت. ئێستا بێهیوایی گەیشتووەتە هێڵی لای یاریگای ئینگلتەرا و توخێل کۆنترۆڵی دەروونیی خۆی لەدەست دەدات.
خولەکی 31: فێرناندێز دەبێتە یەکەم یاریزان لەنێو سێ یاریزاندا کە هەوڵ دەدەن فاول لەسەر بێڵینگهام بکەن کە بە خێرایی بەرەو پێش دەچوو، ئەمەش دوای ئەوەی یاریزانە ئینگلیزییەکە پێشتر خۆی لە سیمۆنی لادابوو.

خولەکی 33: مارک گێی دەکەوێتە پێش سیمۆنی و لە کاتی ململانێ لەسەر تۆپەکە، یاریزانە ئەرجەنتینییەکە سەری بەکاردەهێنێت لە کاتی هەوڵدان بۆ ئەنجامدانی فاوڵ لەسەری.

خولەکی 34: بەرگریکاری لای راستی ئەرجەنتین، ناهوێل مۆلینا دێتە ناو بابەتەکەوە و لە دواوە خۆی بە بێڵینگهامدا دەکێشێت.

خولەکی 36: لیۆنێل مێسی بە لێهاتوویی لە کەین و گۆردن لادەدات پێش ئەوەی ئاندەرسن بە توندی خۆی پێدا بکێشێت، کە بە شێوەیەکی سەیر دەبێتە یەکەم کارتی زەردی یارییەکە. مێسی لە کاتی کەوتنیدا، قاچێکی بەرەو جێد سپێنس رادەوەشێنێت.

خولەکی 37: یاریزانانی ئەرجەنتین ناڕەزایەتی دەردەبڕن، ئەمەش دەبێتە هۆی دەمەقاڵەیەکی گەورە لە ناوەڕاستی یاریگا. کەین دەمی خۆی دادەپۆشێت بۆ قسەکردن لەگەڵ ناوبژیوان لە کاتێکدا ئاندێرسن کارتە زەردەکەی وەردەگرێت، ئەمەش وا دەکات ماک ئالیسەر و پارێدێس بە شێوەیەکی شێتانە داوای دەرکردنی بکەن. (یاریزان ناتوانرێت دەربکرێت بەهۆی داپۆشینی دەمی لە کاتی قسەکردن لەگەڵ ناوبژیواندا، بەڵکوو تەنیا کاتێک دەکرێت کە بە شێوازێکی شەڕەنگێزانە قسە لەگەڵ یاریزانی بەرامبەر بکات).

خولەکی 41: رۆجەرز هێرشێکی هەڵگەڕاوە دەست پێ دەکات، بەڵام لیساندرۆ مارتینێز لە دواوە رای دەکێشێت و لە کۆتاییدا ناوبژیوان بڕیار دەدات کارتێکی زەرد بە رووی یاریزانێکی ئەرجەنتیندا بەرز بکاتەوە.

خولەکی 45+1: لە کاتێکدا جەیمس هەوڵ دەدات بە تۆپێکی نوێوە خێرا ئاوتەکە جێبەجێ بکات، کەسێک لەسەر کورسیی یەدەکی ئەرجەنتین تۆپە کۆنەکە دەخاتە نێو یاریگاوە بۆ تێکدانی کاتی یارییەکە و خاوکردنەوەی جەیمس.
خولەکی 45+2: پارێدێس پێی خۆی بە بەرزی بەرەو رووی ئاندەرسن بەرز دەکاتەوە رێک لە کاتی نزیکبوونەوە لە کۆتاییهاتنی گێمی یەکەم.
کۆتایی گێمی یەکەم: مێسی و فێرناندێز دەوری ناوبژیوان دەدەن بۆ گلەییکردن کاتێک ئەو فیکەی کۆتایی گێمی یەکەم لێ دەدات. مێسی بەردەوام دەبێت لە ناڕەزایەتی دەربڕین کاتێک هەردووکیان بەرەو تونێلی یاریگاکە دەڕۆن.

خولەکی 48: بێلینگهام لەسەر هێڵی کۆتایی یاریگا فشار دەخاتە سەر مێسی و کاتێک هەردووکیان بە راکردن دەچنە دەرەوەی یاریگا، مێسی یاریزانە ئینگلیزییەکە پاڵ پێوە دەنێت و فڕێی دەداتە سەر تابلۆ ریکلامییەکان.

خولەکی 51: سەرەڕای ئەوەی زۆر بەشدار نەبوو، بەڵام ئەو پیاوەی کە زۆرترین ئەگەری هەبوو کارتی زەرد وەربگرێت بۆ ئەرجەنتین، کارتەکەی وەرگرت. کریستیان رۆمێرۆ بەهۆی زۆرانبازی و خستنەسەر زەوی بێلینگهام بە هەردوو دەستی بۆ وەستاندنی هێرشێکی هەڵگەڕاوە، کارتی زەردی وەرگرت.

خولەکی 53: سیمۆنی دەستێکی بە دواوەیدا رادەوەشێنێت و بەر دەموچاوی سپێنس دەکەوێت. بەڵام هیچ کارتێکی زەرد پێ نادرێت.

خولەکی 58: لە کاتێکدا پیکفۆرد هەوڵ دەدات تۆپەکە بگرێتەوە، رۆمێرۆ لەبری ئەوەی خۆی بچەمێنێتەوە، بە رێکی دەوەستێت و گۆڵپارێزەکەی ئێڤەرتن بەسەریدا دەکەوێت.

خولەکی 73: گۆڵەکەی ئینگلتەرا زەبری هێرشەکانی ئەرجەنتین کەم دەکاتەوە، بەڵام ئەوان دوای پشووی خواردنەوەی ئاو دۆخەکەیان بەدەست هێنایەوە، کاتێک مێسی لە کاتی جێبەجێکردنی ئاوتێکدا کەمێک پاڵ بە سپێنسەوە دەنێت.

خولەکی 85: دوای گۆڵەکەی فێرناندێز، رۆمێرۆ هەلەکە دەقۆزێتەوە بۆ ئاهەنگگێڕان و هاوارکردن بە دەموچاوی پیکفۆردی دڵشکاو و خەمباردا.

kjjjjjj pic.twitter.com/7AV1Yib2jQ

— ☩ ✺ DEUS VULT ✺ ☩ (@Bracesco2023) July 15, 2026

خولەکی 88: ماوەیەکی کەم دوای گۆڵی یەکسانبوونەکەیان، جۆن ستۆنز بەهۆی پێکانێکی سەرەوە دەکەوێتە سەر زەوی و یارییەکە دەوەستێت، ئەمەش وای کرد یاریزانانی ئەرجەنتین دەوری ناوبژیوان بدەن بۆ ناڕەزایەتی دەربڕین.

خولەکی 90+2: بێلینگهام هەوڵ دەدات ئینگلتەرا بەرەو پێشەوە ببات و کاتێک تۆپەکە بۆ ئاوت دەچێتە دەرەوە، گۆنزالۆ مۆنتێل بە توندی هاوار و رەخنە لە ژمارە 10ـی ئینگلتەرا دەکات.

خولەکی 90+7: لە کاتێکدا ئینگلتەرا دوای گۆڵە سەیرەکەی لاوتارۆ مارتینێز بە سەر لە کاتی زیادکراودا دۆڕاوە، ئیملیانۆ مارتینێز تۆپێکی بەرز دەگرێتەوە و دەکەوێتە سەر زەوی تاوەکوو بە زەردەخەنەیەکی زۆرەوە کات بکوژێت.

کۆتایی یارییەکە: ئاهەنگگێڕانی زۆر و توندی یاریزانانی ئەرجەنتین بووە هۆی تووڕەکردنی هەندێک لە یاریزانانی ئینگلتەرا کە لە کاتی یارییەکەدا کۆنترۆڵی خۆیان کردبوو. دین هێندرسن پاڵ بە مارتینێزی گۆڵکارەوە دەنێت، لە کاتێکدا رۆجەرز لەگەڵ کۆمەڵێک یاریزاندا تێکەڵ دەبێت و بێڵینگهامیش بە پشتی سەری یاریزانی یەدەک ڤالێنتین بارکۆدا دەکێشێت.

😱 ¡EL ENGANCHÓN DE BELLINGHAM CON LOS JUGADORES DE ARGENTINA TRAS EL FINAL!#NuestroMejorMundial #NuestroMejorMundialAS @jfelixdiaz @as_tv pic.twitter.com/9Y8rlgG2TL

— Diario AS (@diarioas) July 15, 2026

دوای یارییەکە: یاریزانانی ئەرجەنتین بە بانەرێک ئاهەنگ دەگێڕن کە لەلایەن هاندەرانەوە فڕێدرابووە نێو یاریگا و لەسەری نووسرابوو: دوورگەکانی فۆکلاند، ئەرجەنتینین. بەهۆی ئەوەی ئەمە پەیامێکی سیاسییە، دەکرێت کێشەی گەورەیان لەگەڵ فیفادا بۆ دروست بکات.

@LMDiddy14 pic.twitter.com/dRs4lL3DMo

— – (@auberton749) July 16, 2026