تەواو؛ یان دیۆماندێ بڕیاریی کۆتایی دەدات و وێستگەی داهاتووی هەڵدەبژێرێت

یاریگا –

یەکێک لە گەرمترین ناوی بازاڕی گواستنەوەکان، یان دیۆماندێ، هێرشبەری یانەی لایپزیگ، چارەنووسی خۆی یەکلایی کردەوە و یانەی پاریس سانجێرمانی هەڵبژارد.

دەیڤد ئۆرنشتاین، رۆژنامەنووسی تۆڕی ئاتلێتیک بڵاویکردووەتەوە، ئەستێرەکەی هەڵبژاردەی کۆتدیڤوار باوەڕێکی تەواوی بەو پڕۆژەیەی پاریس سانجێرمان هەیە کە لەلایەن ناسر خلێفی و لویس ئێنریکێیەوە بەڕێوەدەبرێت. دیۆماندی دەیەوێت لەژێر سەرپەرشتی ئێنریکێ یاری بکات و پێی وایە پاریس ئەو شوێنەیە کە باشترین دەرفەتی پێ دەبەخشێت بۆ بردنەوەی نازناوەکان و بەدەستهێنانی خەڵاتی باڵۆن دۆر لە داهاتوودا.

🚨 EXCL: Yan Diomande chooses Paris Saint-Germain as next destination if he departs RB Leipzig this summer. 19yo said to believe in #PSG project led by Al-Khelaifi / Campos / Enrique + wants chance to lift trophies regularly & win Balon D’Or @TheAthleticFC https://t.co/HYUUXtCSS8

— David Ornstein (@David_Ornstein) June 28, 2026

شکستی لیڤەرپوول و داخوازییەکانی لایپزیگ
هەرچەندە یانەی لیڤەرپوول ئامادە بوو ئۆفەرێکی خەیاڵی بە بڕی نزیکەی 100 ملیۆن یۆرۆ پێشکەش بکات، بەڵام یانە ئەڵمانییەکە بەکەم سەیری ئەم بڕە پارەیەی کردووە. لایپزیگ سوورە لەسەر ئەوەی بە کەمتر لە 130 ملیۆن یۆرۆ دەستبەرداری ئەم ئەستێرەیە نەبێت، کە ئەگەر بفرۆشرێت، دەبێتە گرانترین گواستنەوە لە مێژووی یانەکە.

 دیۆماندی کە تەنیا 18 مانگ لەمەوبەر لە ئەکادیمیایەکی تۆپی پێ لە فلۆریدا یاری دەکرد، ئێستا یەکێکە لە خوازراوترین یاریزانانی جیهان. ئامارەکانی وەرزی رابردووی لە بۆندسلیگا سەرسوڕهێنەر بوون؛ 12 گۆڵ و 9 ئەسیست لە 33 یارییدا، لەگەڵ ئەوەی بەرزترین رێژەی سەرکەوتنی لە بڕین یان تێپەڕاندنی بەرامبەرەکانی لەسەر ئاستی ئەوروپا هەبووە.

چاوەڕوانیی مۆندیال
ئەم یاریزانە لاوە ئێستا لەگەڵ هەڵبژاردەی کۆتدیڤوار لە مۆندیالی 2026ـە و چاوەڕوان دەکرێت رۆژی سێشەممە لە قۆناخی 32 بەرامبەر نەرویج یاری بکات. دەرکەوتنی زیاتری لەم پاڵەوانێتییەدا رەنگە ببێتە هۆکارێک بۆ ئەوەی پاریس سانجێرمان بە خێرایی کۆتایی بە دانوستانەکان بهێنێت.