پیاوێکی شێتە؛ جهانی تۆپی پێ سەر بۆ مێسی دادەنەوێنێت

یاریگا –

ئاستێکی ناوازە و سەرووسروشتی لەلایەن لیۆ مێسییەوە، کە وشە و ستایشەکان لە ئاستیدا کۆتاییان هاتووە.

ئەرجەنتین بە ئەنجامی 3-0 لە بەرامبەر جەزائیر سەرکەوتنی بەدەستهێنا بەهۆی هاتریکی ئەستێرەکەی دەرەوەی زەوی لە خولەکەکانی 17، 60 و 76. پاڵەوانانی جیهان و سەرکردەکەیان ئەم مۆندیالەیان لە ویلایەتە یەکگرتووەکان، مەکسیک و کەنەدا بە شێوازێکی بەهێز دەست پێکردووە.

شاکارەکەی ئەم یاریزانە ئەرجەنتینییە و کردنی سێ گۆڵ لە بەرامبەر جەزائیر، کاردانەوەی پڕ لە سەرسامیی بەدوای خۆیدا هێنا. بە سروشتی، ئاستەکەی لیۆ کاردانەوەی لە تەواوی جیهانی تۆپی پێوە دروستکرد، کە لە هاونیشتمانییە ئەرجەنتینییەکانییەوە دەستی پێکرد و بۆ دژبەر و سەرسامبووانیشی بەردەوام بوو.

یەکەم کەس کە کاردانەوەی هەبوو راهێنەری تیمەکەی بوو، لیۆنێل سکالۆنی گوتی:

هیچ وشەیەکم نییە، ئەمە باوەڕپێنەکراوە. چی دەربارەی لیۆ بڵێم؟ مێسی بۆ هەمیشە گەورەترینی مێژوو دەبێت. زۆر قورس دەبێت بۆ هەر کەسێکی دیکە کە بگاتەوە بە ئاستی ئەو.

کەسێکی دیکە کە بە خێرایی کاردانەوەی هەبوو، ئێرلینگ هاڵاند بوو، ئەویش کاتێکی سەرکەوتووی بەسەر برد دوای کردنی دوو گۆڵ لە سەرکەوتنەکەی نەرویج بە ئەنجامی 4-1 لە بەرامبەر عێراقدا. ڤایکینگەکەی نەرویج لە هەژماری سناپچاتی خۆیدا وێنەیەکی خۆی داناوە و لەسەری نوسیووە: “مێسی پیاوێکی شێتە.”