ئەو ریکۆردەی بە خەیاڵی کەسدا نەدەهات ڤۆزینهای گۆڵپارێزی کەیپ ڤێردی تۆماریکرد
یاریگا –
کەیپ ڤێردی مێژووی نووسیەوە کاتێک لە یەکەم بەشداریی خۆیاندا لە مۆندیال و لە یەکەم یارییاندا لەو پاڵەوانێتیەدا بەبێ گۆڵ لەگەڵ ئیسپانیا یەکسانبن و خاڵێک لە یەکێک لە بەهێزترین پاڵێوراوەکان وەربگرن.
هەردوو هەڵبژادە کەوتوونەتە کۆمەڵەی هەشتەم لەپاڵ هەڵبژاردەکانی دیکەی وەک سعوودیە و ئوروگوای. بەو خاڵە، کەیپ ڤێردی خواست و پاڵنەری بۆ دروستبووە بەرامبەر ئوروگوای و سعوودیە بەهەمان رۆحیەتەوە دەربکەون تا مەحاڵ بکەنە ڕاستی و خۆیان بگەیەننە قۆناخی دواتر.
جیا لە رۆحیەتی پێکەوەیی و بەکۆمەڵی تیمە تازەکەی مۆندیال، ئەوەی بەرامبەر هێرشە یەک لەدوای یەکەکانی ئەستێرەکانی ئیسپانیای دەدایەوە ڤۆزینهای گۆڵپارێز بوو.
ڤۆزینها یەکێکە لەو تەنها هەشت یاریزانەی مۆندیالی 2026 کە تەمەنیان گەیشتووەتە +40 ساڵ و بەشداریی دەکەن.
بەگوێرەی زانیارییەکانی تۆڕی ئۆپتا بۆ ئامار و ژمارە پێوانەییەکان، ڤۆزینها بووە یەکەمین گۆڵپارێز بەدرێژایی مێژووی جامی جیهانی بە تەمەنی 40 ساڵیەوە بەشداریی بکات و لە یەکەمین یاریی خۆیدا لە پاڵەوانێتیەکە گۆڵەکەی بە خاوێنی رابگرێت (کلین شیت).
تا فیکەی کۆتایی یارییەکە، ڤۆزینها توانی بەرپەرچی 7 شووتی ئیسپانیەکان بداتەوە و بیانگەڕێنێتەوە کە هەندێکیان زۆر مەترسیداربوون بۆ سەر تۆڕی کەیپ ڤێردی.
40 – Cabo Verde’s 40-year-old goalkeeper Vozinha is the oldest goalkeeper to keep a clean sheet on his FIFA World Cup debut, making seven saves against Spain.
Heroic. pic.twitter.com/Y5yFXfrKYt
— OptaJoe (@OptaJoe) June 15, 2026
بەهۆی لێهاتووییەکەیەوە لەو یارییە و وەرگرتنی خاڵێک لە مۆندیال، ڤۆزینها خەڵاتی باشترین یاریزانی یارییەکەی پێدرا.
Vozinha takes the honours as your @MichelobUltra Superior Player of the Match. 🔥#FIFAWorldCup #SuperiorPOTM pic.twitter.com/TsC1nhwoIB
— FIFA World Cup (@FIFAWorldCup) June 15, 2026
