فەرمی؛ زاخۆ گرێبەستی ئەستێرەیەکی نوێکردەوە

یاریگا –

ئالیو ئادەم، ناوەڕاستکاری نایجێری، گرێبەستەکەی لەگەڵ زاخۆ نوێکردەوە.

یانەی زاخۆ بەشێوەیەکی فەرمی رایگەیاند، گرێبەستی ئالیو ئادەم، ناوەڕاستکاری یانەکەیان بۆ وەرزێکی دیکە نوێکردووەتەوە و ئەو یاریزانە 26 ساڵانییە لە وەرزی 2026/2027 درێسی زاخۆ دەپۆشێت.

ئالیو ئادەم لە هاوینی رابردوو ئیتیحادی لیبی جێهێشت و پەیوەندی بە یانەکەی پرا دەلال کرد.

ئالیو لە وەرزی 2025/2026 لە خولی ئەستێرەکانی عێراق بەشداریی 35 یاریی کرد و گۆڵێکی کرد.