یاریگا –
فلۆرێنتینۆ پێرێز یان ئێنریکێ ریکێلمی؟ بنکەی ئەندامانی بارسێلۆنا روونە و بە شێوەیەکی بەرفراوان پێیان باشترە سەرۆکی ئێستا لە سەرکردایەتیکردنی ریال مەدریددا بمێنێتەوە لەو هەڵبژاردنانەی کە ئەمڕۆ لە مەدرید لەنێوان کاتژمێر 11ـی پێشنیوەڕۆ تاوەکوو 10ـی شەو بەڕێوەدەچن.
بەگوێرەی راپرسییەکی مۆندۆ دیپۆرتیڤۆ کە لە لایەن ئێستودی پرێسەوە ئەنجامدراوە، 74.66%ـی ئەو کەسانەی پرسیاریان لێکراوە پاڵپشتی سەرکەوتنی فلۆرێنتینۆ دەکەن، لە کاتێکدا تەنیا 15% دەیانەوێت شکستەکەی ببینن. 10.33%ـی ماوەش هێشتا بڕیاریان نەداوە.
ئەم پێشبینییە بەهێزە بۆ مانەوەی پێرێز وەکوو سەرۆک تاوەکوو ساڵی 2030 دەکرێت، بەو شێوەیە لێکبدرێتەوە کە لایەنگرانی بارسێلۆنا پێیان وانییە ئەو بتوانێت پاشەکشەی ئەم دواییەی ریال مەدرید پێچەوانە بکاتەوە، دوای ئەوەی لە ماوەی دوو ساڵی رابردوودا نەیتوانیوە هیچ نازناوێکی نێوخۆیی بباتەوە سەرەڕای گرێبەستکردن لەگەڵ کیلیان ئێمباپێ.
هاندەرانی بارسێلۆنا بە تایبەتی نیگەران نین سەبارەت بە ئەگەری گەڕانەوەی جۆزێ مۆرینیۆ بۆ سانتیاگۆ بێرنابیۆ. کاتێک راپرسییەکە ئەنجامدرا، فلۆرێنتینۆ هەڵبژاردنەکەی راگەیاندبوو و رێککەوتن لەگەڵ راهێنەرە پۆرتوگالییەکە بە ئەگەرێکی بەرفراوان زانرابوو.
