پلانە روونەکەی دیکۆ؛ هاوینێکی درێژ و پڕ لە گۆڕانکاری چاوەڕێی بارسێلۆنا دەکات

یاریگا –

یانەی بارسێلۆنا یەکەم هەنگاوی فەرمی خۆی بۆ وەرزی نوێی 2026-2027 بە ناساندنی ئەستێرەی ئینگلیزی، ئانتۆنی گۆردن دەستپێکرد، کە پێداگری لەسەر جێهێشتنی نیوکاسڵ کرد تەنها لەپێناو پۆشینی درێسی بارسا.

کارگێڕیی یانەکە بە سەرکردایەتی دیکۆ، بەڕێوەبەری وەرزشی، دەیەوێت پێش دەستپێکردنی یارییەکانی جامی جیهانی کارە لەپێشینەکانی بازاڕی گواستنەوە بە تەواوی کۆتایی پێبهێنێت.

رۆژنامەی مۆندۆ دێپۆرتێڤۆ بڵاویکردووەتەوە، سەرەڕای ئەم ئامادەکارییە خێرایە، بەڵام جارێکی دیکە هاوینێکی درێژ لە کلیلەکانی بازاڕی گواستنەوەدا چاوەڕێی یانە کاتالوونییەکە دەکات، چونکە بەشێکی زۆری پلانەکانی داهاتوو بەستراونەتەوە بە رۆیشتنی چەند یاریزانێک لە پێکهاتەکەی ئێستای هانزی فلیک.

☀️ El verano azulgrana será largo en clave de mercado

✍️ @JoanPoquiEraso https://t.co/7EPawdp1Wy

— Mundo Deportivo (@mundodeportivo) May 30, 2026

دەرگای رۆیشتن کراوەیە؛ چوار یاریزان لەژێر چاودێریدان

دیکۆ و فلیک دەیانەوێت پێکهاتەیەک دروستبکەن کە تەواو لەگەڵ بیرۆکەکانی راهێنەرە ئەڵمانییەکە بگونجێت. بارسێلۆنا ئامادەیە گوێ لەو دەستەوارە فەرمییانە بگرێت کە پێشکەشی ئەم یاریزانانە دەکرێن؛ ژووڵ کوندێ، ئالیخاندرۆ باڵدێ، مارک کاسادۆ و روونی بەرداخچی. لە ئەگەری رۆیشتنی هەر یەکێک لەم ناوانە و دەستکەوتنی پارەی پێویست، بارسێلۆنا دەستبەجێ شوێنگرەوەی گونجاو دەهێنێتە ریزەکانییەوە.

بێرناردۆ سیلڤا و کێشەی کانسیلۆ

 گواستنەوەی بێرناردۆ سیلڤا هێشتا کاتی دەوێت و یەکلایی نەبووەتەوە، فلیک گڵۆپی سەوزی بۆ هێنانی داگیرساندووە، بەڵام جێبەجێکردنی ئەم گرێبەستە پێویستی بە چۆڵکردنی شوێن و رێکخستنی مووچە هەیە لەنێو پێکهاتەکەدا.

لە لایەکی دیکەوە، بارسێلۆنا بە جیددی دەیەوێت کانسێلۆ بهێڵێتەوە، بەڵام دانوستانەکان لەگەڵ یانەی هیلال هێشتا نەگەیشتوونەتە قۆناخێکی پێشکەوتوو؛ هۆکارەکەش بۆ داواکارییە داراییە بەرزەکانی یانە سعوودییەکە دەگەڕێتەوە، جا چ بۆ فرۆشتنی هەمیشەیی بێت یان بەخشینی بە شێوازی خواستنێکی نوێ.

لە کۆتاییدا، هەرچەندە کارگێڕیی بارسێلۆنا کارە سەرەکییەکانی گۆڕینی پێکهاتەکەی بە باشی داڕشتووە، بەڵام هاندەران دەبێت خۆیان بۆ زنجیرەیەکی درێژ لە دەنگۆکان ئامادە بکەن کە پێدەچێت تاوەکوو چەند رۆژێک پێش دەستپێکردنی خولەکە بەردەوام بێت.