یاریگا –
وەرزی ریال مەدرید خەریکە لە لێواری کارەساتێکی گەورەدا کۆتایی دێت، بەڵام ئەمجارە کێشەکە تەنیا لەنێویاریگا نییە، بەڵکوو ژووری جلگۆڕینی یانەکە بووەتە گۆڕەپانی جەنگێکی سارد.
بەگوێرەی راپۆرتێکی Journal du Real، دوای کێشەکانی ڤینیسیۆس و چابی ئاڵۆنسۆ، ئێستا کیلیان ئێمباپێ رووبەڕووی هاوڕێکانی دەبێتەوە.
🚨 Beaucoup de personnes au Real Madrid estiment que Vini et Mbappé ne fonctionnent PAS ensemble, et que l’un des deux devra PARTIR pour résoudre les problèmes.
❌ Cependant, Florentino Pérez n’est PAS d’accord et reste CONVAINCU qu’il peut construire une équipe GAGNANTE avec… pic.twitter.com/uId4e0dWY1
— Le Journal du Real (@lejournaldureal) April 29, 2026
ئێمباپێ زۆر لە دۆخی یانەکە تووڕەیە و لە گفتوگۆیەکی تایبەتدا چەندین یاریزانی تۆمەتبار کردووە بەوەی هۆکاری سەرەکیی وێرانبوونی وەرزەکە بوون. ئێمباپێ وا رەفتار دەکات کە تەنیا ئەو ئەرکەکانی خۆی جێبەجێ کردووە و ئەوانی دیکە کەمتەرخەم بوون، ئەمەش کاردانەوەی توندی لێکەوتووەتەوە.
هەمان سەرچاوە ئەوەشی ئاشکرا کردووە، جود بێڵینگهام، ئەستێرەی ئینگلیزی، یەکێکە لەو کەمینە یاریزانانەی کە نەترساوە و رووبەڕووی ئیمباپێ بووەتەوە. بێڵینگهام بە ئاشکرا رەخنەی لە ئاستە لاوازەکانی ئیمباپێ گرتووە و چەندین جار گرژی لە نێوانیاندا دروست بووە. بێڵینگهام پاڵپشتی زۆربەی یاریزانانی تیمی هەیە و ئێمباپێ بەوە تۆمەتبار دەکات کە لە رووی بەرگرییەوە هیچ هاوکارییەکی تیمەکە ناکات، هەروەها یاریزانێکی خۆپەرستە و تەنیا بیر لە ئامارە کەسییەکانی خۆی دەکاتەوە.
هەروەها بەشێک لە یاریزانانی یانەکە دژی ئەستێرە فەڕەنسییەکە وەستاونەتەوە و دەڵێن لەوەتای کیلیان هاتووەتە هیچ نازناوێکمان نەبردووەتەوە، کەچی ئەو تۆمەتبارمان دەکات!
