ریال مەدرید نامەی بۆ ناردم؛ گابریێل خیسوس باس لە تووشبوونی بە یەکەم پێکانی دەکات

یاریگا –

گابریێل خیسوس، هێرشبەری یانەی ئارسینال نهێنییەکی سەیر ئاشکرا دەکات کاتێک یەکەم جار تووشی پچڕانی بەستەری ئەژنۆی بووە.

گابریێل خیسوس لە ساڵی 2025 تووشی پێکانێکی سەخت هات و چاکبوونەوەی پرۆسەیەکی درێژخایەن بوو، چ لە رووی جەستەیی و دەروونییەوە. لە نوێترین چاوپێکەوتنیدا لەگەڵ تۆڕی ئاتلێتیک، خیسوس ئاشکرای دەکات کە ریال مەدرید چەند جارێک نامەی پاڵپشتی بۆ ناردووە.

⚡️Gabriel Jesus exclusive interview
➕Faith & psychology to overcome knee injury
➕Comparing Arteta & Guardiola
➕Strong talks with Arsenal board present after Wolves game
➕UCL over Premier League
➕Three letters from Real Madrid@jacklang@TheAthleticFChttps://t.co/9QVMxAYozF pic.twitter.com/zynFz6BqvA

— Mario Cortegana (@MarioCortegana) March 20, 2026

بە گوتەی ئەستێرە بەڕازیلییەکە، ریال مەدرید چەندین جار نامەی پاڵپشتی بۆ ناردووە، ئەوەش بووەتە هاندانێکی گەورەی تاوەکوو زوو لە پێکانەکەی چاکببێتەوە و رۆژە سەختەکانی بە زوویی بەڕێبکات.

کاتێک یەکەم جار تووشی پێکان بووم ریال مەدرید نامەیەکی پاڵپشتی بۆ ناردم، دواتر بەداخەوە تووشی پێکانی دیکە بووم و سێ بۆ چوار جار نامەیان بۆ ناردم، هەموویانم لە ماڵەوە هەڵگرتووە.

خیسوس دەشڵێت، نامەکان تەنیا وشە نەبوون، بەڵکوو بیریخستووەتەوە لەنێو کۆمەڵگای تۆپی پێدا بەهایەکی گرنگی هەیە و تەنانەت لە دەرەوەی یانەکەی خۆیشیدا بایەخی پێدەدرێت، ئەوەش هەستێکی بەهێز و ئەرێنی پێبەخشیوە و بووەتە هۆکار بۆ ئەوەی پێکانەکەی بە ئاسانی تێپەڕێنێت.