دەنگۆكانی مێركاتۆ؛ بارسێلۆنا گرێبەستی ئەستێرەیەكی نوێدەكاتەوە و ئارسیناڵ هێرشبەرێكی دەوێت

یاریگا –

بارسێلۆنا پارێزگاری لە ئەستێرەیەكی دەكات، ئارسیناڵ هێرشبەرێكی سوپەری دەوێت و وێستهام نایەوێت دەستبەرداری یاریزانێكی ببێت.

بارسێلۆنا دەیەوێت گرێبەستی فێرمین لۆپێز بۆ ماوەیەكی زۆر نوێبكاتەوە – سپۆرت.

ترێنت ئالێكساندەر ئارنۆڵد پێی نەگوتراوە كە ریزەكانی یانەی ریال مەدرید جێبهێڵێت – دەیلی مەیڵ.

ئارسیناڵ بەدواداچوون بۆ ئەگەری گواستنەوەی خولیان ئالڤارێز هێرشبەری ئەرجەنتینی یانەی ئاتلێتیكۆ مەدرید دەكات – ESPN.

بایرن میونشن بۆ گواستنەوەی یان دیۆماندێ هێرشبەری كۆتدیڤواری یانەی لایپزیگ ركابەری لیڤەرپوول دەكات – بێڵد.

جۆ گۆمێز بەرگریكاری ئینگلیزی یانەی لیڤەرپوول لەلایەن ئەیسی میلانەوە داواكراوە – کاڵچیۆ مێرکاتۆ.

وێستهام ئۆفەرێكی فلامینگۆی بەبەهای 32.9 ملیۆن پاوەند و سێ ملیۆن پاوەندی زیادكراو بۆ گواستنەوەی لوكاس پاكێتا رەتكردەوە– ئاتلێتیک.

لیڤەرپوول دەیەوێت ماوەی خواستنەكەی كۆستاس سیمیكاس لە رۆما كۆتایی پێبهێنێت و یاریزانە یۆنانییەكەی بگەڕێنێتەوە – تۆک سپۆرت.

چێڵسی دەیەوێت بە خواستن دۆگلاس لویز یاریزانی یانەی یوڤێنتوس بگوازێتەوە ریزەكانی یانەكەی  – فابریزیۆ رۆمانۆ.