دەنگۆكانی مێركاتۆ؛ ئاتلێتیكۆ مەدرید شوێنگرەوەی گالاگێر دەگوازێتەوە و دوو یانە یوسف نەسیریان دەوێت

یاریگا –

ئاتلێتیكۆ مەدرید شوێنگرەوەی كۆنۆر گالاگێر دەگوازێتەوە، دوو یانەی پرێمەرلیگ یوسف نەسیریان دەوێت و وێستهام نرخی یاریزانێكی كەم دەكاتەوە.

ئاتلێتیكۆ مەدرید لە دوای رۆیشتنی كۆنۆر گالاگێر هەوڵی گواستنەوەی جواو گۆمێس یاریزانی بەڕازیلی یانەی وۆڵڤز بگوازێتەوە ریزەكانی یانەكەی – ماركا.

ئێڤەرتن ئۆفەرێكی فەرمی بۆ گواستنەوەی یوسف نەسیری پێشكەشی فەنەرباچێ كردووە – فابریزیۆ رۆمانۆ.

هەروەها نۆتینگهام فۆرێستیش لە هەوڵی گواستنەوەی یوسف نەسیریدایە بەڵام یاریزانەكە پەیوەندیكردن بە ئێڤەرتن هەڵدەبژێرێت – فلۆریان پلێتنبێرگ.

ئێڤەرتن ئارەزووی گواستنەوەی كاڵۆم ویڵسن هێرشبەری وێستهام دەكات – ئاتلێتیک.

وێستهام كۆبوونەوەیەكی ناوخۆی لەگەڵ خاوەن پشكەكانی دەكات و گفتوگۆی دابەزاندنی نرخی لۆكاس پاكێتا دەكات، كە لەلایەن فلامینگۆی بەڕازیلیەوە داواكراوە – ESPN

ئەمڕۆ سۆزا پشكنینی پزیشكی لەگەڵ تۆتنهام دەكات و پەیوەندی بە یانەكەوە دەكات – سكای سپۆرتس.

مارشال مونتیسی نزیكە لەوەی بە خواستن پەیوەندی بە پاریس ئێف سی بكات – لیكیپ.