یاریگا –
سەرجەم ناوبژیوانانی شارەکانی کوردستان کۆتاییان بە بایكۆتەکەیان هێناوە و گەڕاونەتەوە بۆ بەڕێوەبردنی یارییەکانی خولەکانی کوردستان.
بەپێی ئەو زانیارییە تایبەتانەی دەست تۆڕی وەرزشی یاریگا کەوتووە، کێشەی ناوبژیوانانی کوردستان چارەسەر کراوە و ئەمڕۆ بە فەرمی کۆتاییان بە بایکۆت هێنا و گەڕانەوە بۆ بەڕێوەبردنی یارییەکان.
یاریگا زانیاری دهستكهتووه ئەمڕۆ ناوبژیوانان شایسته داراییهكانی وهرزی 2023-2024ـیان وهرگرتووه و یارییهكانی داهاتووی خولهكانی كوردستان بهڕێوهدهبهن و كۆتاییان به بایكۆت هێنا.
چارەنووسی پارەی ئەم وەرزە
سەبارەت بە شایستە داراییەکانی وەرزی (2024-2025)، هێشتا چارەنووسی ئهو شایسته داراییانه نادیارە و هیچ وادەیەک بۆ دابەشکردنی دیاری نەکراوە. بەڵام سەرەڕای ئەوەش، ناوبژیوانان وەک هەستکردن بە بەرپرسیارێتی و بۆ پەک نەکەوتنی خولەکان، بڕیاریانداوە بایکۆت بشکێنن و بەردەوام بن لە بەڕێوەبردنی یارییەکان.
ئەم گەڕانەوەیە بە هەنگاوێکی ئەرێنی دادەنرێت بۆ بەردەوامبوونی خولە ناوخۆییەکانی کوردستان و کەمکردنەوەی ئەو فشارەی لەسەر یانەکان و لایەنە پەیوەندیدارەکان دروست ببوو.