یاریگا –
لە یاریی لووتكە و لە دێربی لەندەندا چێڵسی لە یاریگای خۆی میوانداری ئارسیناڵ دەكات.
وا بڕیارە ئەمڕۆ یەكشەممە كاتژمێر 19:30 بە كاتی هەولێر چێڵسی لە یاریگای ستامفۆرد بریجی تایبەت بە خۆی میوانداری ئارسیناڵ بكات، لە میانی یارییەكانی گەڕی سیازدەیەمی پرێمەرلیگ.
پڕۆفایلی یاریی
چێڵسی لەم وەرزەی پرێمەرلیگدا لە كۆی دوازدە یاریی حەوت یاریی بردووەتەوە دوو یاریی یەكسان بووە و سێ یارییش دۆڕاوە.
بە كۆكردنەوەی 23 خاڵ لە ریزبەندی سێیەمی پرێمەرلیگ دێت.
لە بەرامبەردا ئارسیناڵ بە نایابی وەرزەكەی دەستپێكردووە و بە جۆرێک لە كۆی دوازدە یاریی نۆ یاریی بردووەتەوە دوو یاریی یەكسان بووە و یارییەک دۆڕاوە.
بە كۆكردنەوەی 29 خاڵ پێشەنگی ریزبەندی پرێمەرلیگی گرتووە.
زانیاری یاریی
هەردوو یانە لە مێژوودا 208 جار رووبەڕووبوونەتەوە لە 84 یاریی ئارسیناڵ براوە بووە، چێڵسیش 64 یاریی و لە 60 یاریی یەكسان بوون.
چێڵسی لە كۆتا 11 یاریی پرێمەرلیگدا تەنیا یەک یاریی لە ئارسیناڵ بردووەتەوە ( 7 دۆڕان، 3 یەكسان ).
ئارسیناڵ لە كۆتا شەش یاریی پرێمەرلیگدا لە یاریگای ستامفۆرد بریج بەرامبەر چێڵسی نەدۆڕاوە ( 3 بردنەوە ، 3 یەكسان ).
یارییەكەی ئەمڕۆ پێنجەم یارییە ئارسیناڵ وەکو پێشەنگی پرێمەرلیگ رووبەڕووی چێڵسی دەبیتەوە و لە چوار یارییەكەی پێشوو سەرجەمیانی بردووەتەوە
چێڵسی لە كۆتا حەوت یاریی پرێمەرلیگدا یەكەم گۆڵی یارییەكەی كردووە.
هەواڵی پێكانی یاریزانەكان
چێڵسی بە بێ رۆمیۆ لاڤیا، ئیسوگۆ و كۆڵویڵ رووبەڕووی ئارسیناڵ دەبێتەوە.
لە بەرامبەردا گەنەرز بە بێ گابریێل، یۆكێرێش، هاڤێرتز و خێسوس رووبەڕووی چێڵسی دەبێتەوە و بەشدارییكردنی ترۆسارد گومانی لەسەرە.
پێكهاتەی پێشبینیكراوی چێڵسی
سانچێز
گوستۆ، چالۆبا، فۆفانا، كۆكۆرێیا
جەیمس، كایسێدۆ
ئیستیڤاو، ئینزۆ، نیتۆ
جواو پێدرۆ
پێكهاتەی پێشبینیكراوی ئارسیناڵ
رایا
تیمبەر، سالیبا، هینكاپێ، كالافیۆری
ئۆدیگارد ، زوبیمێندی، رایس
ساكا، مێرینیۆ، ئیزێ
