یاریگا –
خوان گاسپارت، سەرۆکی پێشووی یانەی بارسێلۆنا، بێدەنگی شکاند و زۆر به‌توندی وەڵامی تۆمەتەکانی فلۆرێنتینۆ پیرێزی سەرۆکی ریال مەدریدی دایەوە و بە گەورەترین ساختەچی ناوی برد.
دوای سەرکەوتنی بارسێڵۆنا بەرامبەر دیپۆرتیڤۆ ئالاڤێس بە ئەنجامی (3-1) لە یارییەکانی گه‌ڕی 14ی خولی ئیسپانیا، گاسپارت لە کاتی بەجێهێشتنی یاریگای کامپ نۆو، بە تووڕەییەکی زۆرەوە لێدوانی بۆ رادیۆی سێر کاتالۆنیا دا و باسی لەو تۆمەتانە کرد کە پیرێز سەبارەت بە دۆسیەی نێگرێرا ئاراستەی بارسێلۆنای دەکات.
“El Negreira del futbol espanyol és el senyor Florentino Pérez. El Madrid fa 100 anys que és Negreira i el Florentino Pérez exerceix de Negreira des de fa 25 anys. L’únic trampós que hi ha aquí és Florentino Pérez”
📹 Joan Gaspart, expresident del Barça, al #QTJ!#FCBlive pic.twitter.com/XtkqqnkPxN
— Què T’hi Jugues (@QueThiJugues) November 29, 2025
“ریال مەدرید سەدەیەکە گەندەڵە”
گاسپارت بەبێ هیچ دوودڵییەک پەنجەی تۆمەتی بۆ سەرۆکی یانەی شاهانە درێژ کرد و گوتی،
“گەورەترین ساختەچی لە تۆپی پێی ئیسپانیادا بەڕێز فلۆرێنتینۆ پیرێزە، ریال مەدرید ماوەی سەدەیەکە یانەیەکی گه‌نده‌ڵ بووە، خودی پیرێزیش ماوەی 25 ساڵە بە ناشرینترین شێوە وەک گەندەڵێک رەفتار دەکات، تاکە کەس لێرە فێڵ دەکات تەنیا پیرێزە.”
گومانخستنە سەر سەردەمی زێڕینی مێسی
سەرۆکە پێشووەکەی بلاوگرانا ئاماژەی بەوەکرد، ئامانجی لێدوانەکانی پیرێز، لێدانە لە شەرعییەتی ئەو نازناوانەی بارسێلۆنا لە ساڵانی رابردوو بەدەستی هێناون.
گاسپارت گوتی،
“ئەو دەیەوێت وا نیشان بدات کە بارسێلۆنا شایستەی نازناوەکان نەبووە، وەک ئەوەی لیۆنێل مێسی نەبووبێت و هیچ کاریگەرییەکی نەبووبێت، پیرێز ساختەچییە راستەقینەکەیە، دەیەوێت کۆنترۆڵی هەموو شتێک بکات و دۆسیەی نێگرێرا وەک چەکێک دژی ئێمە بەکار دەهێنێت.”
ئەم هێرشە توندەی گاسپارت دوای ئەوە دێت کە فلۆرێنتینۆ پیرێز لە ماوەی رابردوودا هەڵوێستەکانی توندتر کردووە سەبارەت بە دۆسیەی نێگرێرا داوای ئاشکراکردنی تەواوی وردەکارییەکانی دەکات، هاوکات رەخنەی توندی لە سیستەمی ناوبژیوانی ئیسپانیا گرتووە.
هه‌روه‌ها خوان لاپۆرتا، سەرۆکی ئێستای بارسێلۆنا، پێشتر وەڵامی پیرێزی دابووەوە و جەختی لەوە کردبووەوە کە ریال مەدرید لە مێژووی تۆپی پێی ئیسپانیادا زۆرترین سوودی لە ناوبژیوانان بینیوە.