یاریگا –
ریال مەدرید سێ رۆژ بەر لە رووبەڕووبوونەوەی بارسێلۆنا، توانای چوار یاریزانی بۆ دەگەڕێتەوە.
تۆڕی ئاتلێتیک بڵاویکردووتەوە، هەر چوار یاریزان ئالێکساندەر ئاڕنۆڵد، دانی کارڤاخال، دین هاوسن و دانی سێبایۆس بەتەواوی لە پێکانەکانیان چاکبوونەتەوە و بۆ یارییکردن ئامادەن.
بەگوێرەی زانیارییەکانی ئاتلێتیک، هەر چوار ئەستێرەکانی ریال مەدرید دەتوانن یەکشەممە بەرامبەر بارسێلۆنا یاریی بکەن، ئێستا بڕیاری کۆتایی لەدەستی ئاڵۆنسۆیە و سەرپشکە لەوەی یاریی بەو یاریزانانە بکات.
🚩Good news, according to the club: Carvajal, Trent, Huijsen and Ceballos are expected to be available for El Clásico against FC Barcelona. The final decision on who starts now is up to Xabi Alonso. 👀 #RMA @TheAthleticFC
— Guillermo Rai (@GuillermoRai_) October 23, 2025
هاوکات ئێستا جگە لە ئانتۆنیۆ رودیگەر و دەیڤد ئالابا، سەرجەم یاریزانەکانی دیکەی مێرێنگی بۆ کلاسیکۆ ئامادەن.
یەکشەممە 26ـی ئۆکتۆبەری 2025، ریال مەدرید لە یارییەکانی گەڕی 10ـی لالیگا میوانداری بارسێلۆنای رکابەری دەکات.
