یاریگا –
شوێن و کاتی یارییە دۆستانییەکەی نێوان هەڵبژاردەکانی ئەرجەنتین و پورتۆ ریکۆ گۆڕا.
ئاژانسی رۆیتەرز بڵاویکردووەتەوە، بەهۆکاری ئەمنی و بوونی رێژەیەک لە هەڕەشە، یارییەکەی لە شیکاگۆ ناکرێت، بەڵام کەناڵی TyC Sportsی ئەرجەنتینی بڵاویکردووەتەوە، بەهۆکاری رێکخستنی یارییەکە و پێدانی کاتی زیاتر بە فرۆشتنی بلیتی یارییەکە، شوێن و کاتی یارییەکە گۆڕدراوە.
کاتی یارییەکە بۆ یەکشەممە گۆڕاوە و یارییەکە لە یاریگای چەیس لە فلۆریدا دەکرێت، هەمان یاریگای ئینتەر مەیامی لیۆنێل مێسییە.
لە ماوەی رابردوو خۆپێشاندان و گرژییەکی زۆر لە شیکاگۆ و ئیلینۆی لە دژی سیاسەتی کۆچی ئیدارەی دۆناڵد تڕەمپ دروستبووە، ئەمەش هۆکارێکی گۆڕینی شوێنی یارییەکەیە.
یاریی دۆستانەی یەکەم بەرامبەر ڤێنێزوێلا هەر لە مەیامی بەڵام لە یاریگای هارد رۆک دەکرێت.
