دەنگۆكانی مێركاتۆ؛ ئینتەر میلان گۆڵپارێزێكی پرێمەرلیگی دەوێت و سانچۆ یانەیەكی رەتكردەوە

یاریگا –

ئینتەر میلان چاوی لە گواستنەوەی گۆڵپارێزێكی پرێمەرلیگە، چێڵسی دەیەوێت ژمارەیەكی زۆر یاریزان بەڕێبكات و نیوكاسڵ هەوڵەكانی بۆ گواستنەوەی هێرشبەرێک چڕ كردووەتەوە.

ئینتەر میلان چاودێری بارودۆخی ئاندرێ ئۆنانا گۆڵپارێزی كامیرۆنی مانچێستەر یونایتد دەكات – سەن.

چێڵسی ئامادەیە بە خواستن دەستبەرداری رەحیم ستێرلینگ ببێت و دەیەوێت پێش داخستنی مێركاتۆی هاوینە هەشت یاریزان بەڕێبكات – تێلیگراف.

چێڵسی ئۆفەرێكی بایرن میونشنی بە خواستن بۆ گواستنەوەی كریستۆفەر ئێنكونكو رەتكردەوە و دەیانەوێت بە هەیشەیی دەستبەرداری یاریزانەكە ببن – تایمز.

نیوكاسڵ ئامادەیە ئۆفەرێک بە بەهای 35 ملیۆن پاوەند بۆ گواستنەوەی یۆوان ویسا پێشكەشبكات، بەڵام برێنتفۆرد نایەوێت هێرشبەرەكەی بفرۆشێت تا یاریزانێک بۆ شوێنگرتنەوەی نەگوازێتەوە – سەن.

ئاستۆن ڤیلا ناوی نیكۆلاس جاكسن هێرشبەری سێنیگالی یانەی چێڵسی بۆ لیستی بژاردەكانی هێرشبەری زیادكرد – فلۆریان پلێتنبێرگ.

جەیدن سانچۆ هێرشبەری ئینگلیزی یانەی مانچێستەر یونایتد ئۆفەرەكەی رۆمای رەتكردەوە – تۆک سپۆرت.

میكێل ئارتێتا دەیەوێت یاریزانێكی باڵی چەپی هێرشبەری بگوازێتەوە بەڵام پێش ئەوەی هیچ یاریزانێک بگوازنەوە دەبێت یاریزانێک بفرۆشن – میرەر.

كریستاڵ پاڵاس دەیەوێت بە خواستن و بۆ ماوەی وەرزێک هوانگ هی چان هێرشبەری وۆڵڤز بگوازێتەوە – سەن.

ناپۆلی دەچێتە نێو كێبڕكێی گواستنەوەی راسموس هۆیلوند هێرشبەری دانیماركی یانەی مانچێستەر یونایتد و یاریزانەكە لەگەڵ میلان لە گفتۆگۆدایە – سپۆرت ئیتاڵیا.

دۆگلاس لویس لەگەڵ نۆتینگهام لەسەر مەرجەكانی كەسی رێككەوتووە و تەنیا رێككەوتنی نێوان دوو یانەكە ماوە – كۆرێری دێلۆ سپۆرت.