دەنگۆكانی مێركاتۆ؛ مانچێستەر سیتی ئەستێرەیەكی مەدریدی دەوێت و چێڵسی بەرگریكارێكی لیڤەرپوول دەكاتە ئامانج

یاریگا –

مانچێستەر سیتی گرنگی بە گواستنەوەی ئەستێرەیەكی بەڕازیلی دەدات، نۆتینگهام یاریزانێكی مانچێستەر سیتی دەوێت و چێڵسی بیر لە گواستنەوەی بەرگریكارێک دەكاتەوە.

مانچێستەر سیتی گرنگی بەگواستنەوەی رۆدریگۆی بەڕازیلی و یاریزانی یانەی ریال مەدرید دەدات – فابریزیۆ رۆمانۆ.

نۆتینگهام فۆرێست لە رێككەوتن لەگەڵ جەیمس ماكاتی یاریزانی یانەی مانچێستەر سیتی نزیكە – ئاتلێتیک.

چێڵسی و لایپزیگ لە گفتوگۆكانیان دەربارەی چاڤی سیمۆنس و كریستۆفەر ئێنكونكو بەردەوامن – تۆک سپۆرت.

مۆناكۆ ئارەزووی گواستنەوەی كیران تریپیێر بەرگریكاری ئینگلیزی یانەی نیوكاسڵ دەكات – سكای سپۆرتس.

ئالێكساندەر ئیزاک بیر لە گەڕانەوە بۆ نیوكاسڵ یان گرێبەستی نوێ ناكاتەوە مەگەر لیڤەرپوول راستەوخۆ پێی بڵێت كە گواستنەوەی لەم هاوینەدا ئەستەمە – گیڤ می سپۆرت.

لە گواستنەوەی جاک گرێلیش بو خواستن بۆ ئێڤەرتن بڕگەیەكی تێدایە كە بە 50 ملیۆن پاوەند دەتوانرێت گرێبەستەكەی بكرێت بە هەمیشەیی – ئاتلێتیک.

چێڵسی ئۆفەرێكی بە بەهای 43 ملیۆن پاوەند بۆ گواستنەوەی ئیبراهیما كۆناتێ بەرگریكاری یانەی لیڤەرپوول پێشكەشكرد – دێفێنسا سێنترال.

نیوكاسڵ گرنگی بە گواستنەوەی بیلال خەنووس هێرشبەری مەغریبی لێستەر سیتی دەدات و لە گواستنەوەیدا رووبەرووی ركابەری لێدز یوناتد دەبێتەوە – تێلیگراف.

ئێڤەرتن دوای ئەوەی لە گواستنەوەی تایلەر دیبلینگ شكستیهێنا، هەوڵەكانی بۆ گواستنەوەی عەبدول فاتاو هێرشبەری یانەی لێستەر سیتی دەستپێكردووە – سكای سپۆرتس.

ئێلكای گوندۆگان لەلایەن گاڵاتاسارایەوە گرنگی پێدەدرێت و بەڵام دەیەوێت لە مانچێستەر سیتی بمێنێتەوە – فوتبۆڵ ئینسایدەر.