ریال مەدرید خواستی بۆ گواستنەوەی ئەستێرەیەکی ئینتەر پیشانداوە
یاریگا –
ریال مەدرید چاوی لە گواستنەوەی ئەستێرەیەکی دیکەیە بۆ ریزەکانی و ئەمجارەش هەر لە هێڵی ناوەڕاست گرێبەست ئەنجامدەدات.
مەدریدیەکان تا ئێستا هەر لەم هاوینە چوار گرێبەستی گەورەیان ئەنجامداوە، ئەوانیش دین هاوسن، ترێنت ئالێکساندەر ئاڕنۆڵد و ئالڤارۆ کارێراس بۆ هێڵی بەرگریی و، فرانکۆ ماستانتونۆ بۆ هێڵی ناوەند.
بەگوێرەی زانیارییەکانی RM Confidenceی ئیسپانی، یانە شاهانەکە ئێستا خواستی لە گواستنەوەی نیکۆلۆ بارێلای ئەستێرەی دیاری ئینتەر میلانە.
ئەو سەرچاوەیە ئەوەشی زانیوە کە نیرازوری نرخی 60 ملیۆن یۆرۆی خستووەتەسەر یاریزانە ئیتاڵیەکەی. ئەوەش بە لای ریال مەدریدەوە نرخێکی نالۆژیکیە بۆ ناوەڕاستکارە 28 ساڵییەکەیان.
🚨 Real Madrid are interested in signing Nicolò Barella but Inter’s price tag of over €60M is considered unreasonable.
(Source: RM Confidencial) pic.twitter.com/2GtUwxQoug
— Transfer News Live (@DeadlineDayLive) July 22, 2025
بەشێک لە سەرچاوەکانی دیکە باس لەوەدەکەن لە باری شکستهێنانی ریال لە گواستنەوەی رۆردی لە مانچێستەر سیتی، ئەوا هەوڵەکانیان لە سێ ناوەراستکاری ئاستبەرزدا چڕدەکەنەوە. کە یەکێکیان بارێلایە و ئەوانی دی ماک ئالێستەری لیڤەرپوول و ئێنزۆ فێرناندێزی چێڵسیە.
