فەرمی؛ ئاتلێتیکۆ مەدرید ماڵاوایی لە کاپتنی یانەکە دەکات
یاریگا –
سیزار ئازپلیکوێتا، بەرگریکاری ئیسپانی ماڵاوایی لە ئاتلێتیکۆ مەدرید دەکات.
ئاتلێتیکۆ مەدرید بەشێوەیەکی فەرمی رایگەیاند، سیزار ئازپلیکوێتا پاش دوو وەرز لە پۆشینی درێسی یانەکە بەشێوەیەکی فەرمی مەدرید جێدەهێڵێت و گرێبەستەکەی درێژناکاتەوە.
کاپتنەکەی پێشووی چێڵسی لە هاوینی 2023 پاش پاش 11 وەرز یاریکردن بە درێسی یانە لەندەنییەکە بڕیاریدا یانەکە جێبهیڵیت و بێبەرامبەر پەیوەندی بە ئاتلێتیکۆ مەدرید کرد.
🫡 Muchas gracias, César, por tu compromiso y liderazgo durante tu trayectoria como rojiblanco.
¡Nuestros mejores deseos de cara a tus próximos desafíos! pic.twitter.com/nt0e0xHuZ0
— Atlético de Madrid (@Atleti) June 30, 2025
لە دوو وەرزی رابردوو بە درێسی یانە ئیسپانییەکە لە سەرجەم پاڵەوانێتییەکان بەشداریی 54 یاریی کرد، گۆڵێکی کرد و دوو گۆڵی دروستکرد.
بەرگریکارە 35 ساڵانییەکە لەگەڵ چێڵسی 508 یاری کردووە، 17 گۆڵی بۆ بلوز کردووە و 56 گۆڵیشی دروستکردووە.
سیزار لە ئەکادیمیای ئۆساسۆنا پێگەیشتووە، لە 2007 تاوەکو 2010 یاریی بۆ تیپی یەکەمی یانەکە کردووە.
لە هاوینی 2010 بەبڕی 6 ملیۆن یۆرۆ پەیوەندی بە مارسیلیای فەڕەنسی کردووە، لە هاوینی 2012 بەبڕی 8.80 ملیۆن یۆرۆ یانە فەڕەنسییەکەی بەرەو چێڵسی جێهێشت.
