نوێترین هەڵوێستی ئارسیناڵ لەبارەی هەوڵەکانی ریال مەدرید بۆ گواستنەوەی ئەستێترەیەکی گەنەرز
یاریگا –
هەواڵێکی چاوەڕواننەکراو ئارسیناڵی ئینگلیزی هەژاند بەوەی ریال مەدرید سۆراخی ئەستێرەیەکی گەنەرزی کردووە.
ئەمڕۆ مارکای ئیسپانی بڵاویکردەوە کە مەدرید پرسیاری لەبارەی لێویس سکێڵی ئەستێرە دیاری ئارسیناڵ کردووە و چاوی لەوەیە هاوینی داهاتوو بەبێ بەرامبەر بیباتە سانتیاگۆ بێرنابیۆ. تەنانەت لەنێو خۆی یانە ئیسپانییەکەدا گفتوگۆ لەباری سکێڵی کراوە، ئەو یاریزانەی کە هاوینی داهاتوو گرێبەستەکەی لەگەڵ تۆپچییەکان بەسەردەچێت.
🚨 CONFIRMED: Real Madrid have internally discussed about signing Arsenal’s Myles Lewis-Skelly. @marca pic.twitter.com/vOhkVphPIB
— Madrid Zone (@theMadridZone) June 15, 2025
پێگەی بەرگری چەپ یەکێکە لەو پێگانەی کە مەدرید دەیەوێ گۆرانکاریی تێدابکات بە هێنانی یاریزانێکی ئاستبەرز کە ئێستا فێرلاند مێندی و فران گارسیا تەنها دوو بژاردەی بەردەستی شاهانەکانە بەڵام رەخنەیەکی زۆر لە ئاستیان دەگیردرێت.
بەگوێرەی نوێترین زانیاریی کە فابریزۆ رۆمانۆ ئاشکرایکردووە، ئارسیناڵ ئێستا متمانەی تەواو و گەشبینیان هەیە کە بەمزووانە گرێبەستی یاریزانەی 18 ساڵییەکە نوێدەکەنەوە.
رۆمانۆ لە وردەکارییەکانیشیدا نووسیویەتی کە بۆ ئەو مەبەستە، گفتوگۆکان گەشتوونەتە ئاستی پێشکەوتوو. هەر بۆیە ئارسیناڵ هیچ نیگەران نییە کە لوێسی سکێڵی مەمدواییانە بە یانەکانی دیکەوە ناوی دەبەسترێتەوە.
🚨🔴⚪️ Arsenal mantain their confidence, optimism to get Myles Lewis-Skelly new deal done as talks are already at advanced stages.#AFC not worried at all by recent links with clubs as he’s fully expected to stay. pic.twitter.com/Qeh4WVtpl9
— Fabrizio Romano (@FabrizioRomano) June 15, 2025
