یاریگا –
ناوێکی ناسراو پۆستی راهێنەرایەتی هەڵبژاردەی ئیتاڵیا دەگرێتەدەست.
بەگوێرەی زانیارییەکی بەپەلەی رۆژنامەنووسی ئیتاڵی فابریزۆ رۆمانۆ، راهێنەری داهاتووی ئازوری جینارۆ گاتوسۆی ئەفسانەی مێژوویی ئەو وڵاتە دەبێت.
رۆمانۆ نووسیویەتی کە گاتوسۆ جێگەی لوچیانۆ سپالێتی دەگرێتەوە کە بە رێککەوتنێکی دوولایەنە لەگەڵ یەکێتی تۆپی پێی ئەو وڵاتە جێدەهێڵێت دوای زنجیرەیەک ئەنجامی خراپ.
🚨🇮🇹 BREAKING: Gennaro Gattuso has agreed to become new Italy national team head coach.
Gattuso will replace Luciano Spalletti with immediate effect, agreement done. pic.twitter.com/BboQdULd8N
— Fabrizio Romano (@FabrizioRomano) June 14, 2025
گاتوسۆ کە لە کاروانی یاریکردنیدا وەک ئایکۆنێکی ئەیسی میلان دەناسرێتەوە کاتێک لە 1999-2012 درێسی رۆسۆنێری پۆشی، دوای ساڵێک بواری راهێنەرایەتی تاقیکردەوە و بۆ یەکەمین جار لەگەڵ یانەی سیۆنی سویسری دەرکەوت. دواتر چەندین یانەی نێوخۆیی و دەرەکیی تاقیکردەوە. لەوانە؛ ئۆ ئێف ئای یۆنانی، پیزای ئیتاڵی، ئەیسی میلان، ناپۆلی، ڤالێنسیا، مارسێلیا و هایدوکی کرواتی.
ناوبراو لەگەڵ ئەوەی وەک راهێنەر زۆر یانەی ئەزموون کردووە، بەڵام خاوەنی تاکە یەک نازناوە ئەویش جامی ئیتاڵیابوو لەگەڵ ناپۆلی لە 2019-2020.
