یاریگا –
ئەیسی میلان بەڕێوەبەرێکی نوێی وەرزشی دەستنیشانکرد و شۆڕشێکی نوێی گواستنەوەکان دەستپێدەکات.
یانە ئیتاڵییەکە دوێنێ دووشەممە، ئیگالی تارێ، وەکو بەڕێوەبەری نوێی وەرزشی یانەکە ناساند، ئەمەش دوای بەڕێکردنی وەرزێکی خراپ و نەگەیشتن بە چامپیۆنزلیگ.
میلان پلەی هەشتەمی سێریا ئەی بەدەستهێنا و ناتوانێت لە وەرزی داهاتوودا بەشداری هیچ پاڵەوانیەتییەکی ئەوروپی بکات، ئەمەش یەکەم دابڕانی ئەوروپییە لە شەش ساڵی رابردوودا.
جۆرجیۆ فورلانی، بەڕێوەبەری جێبەجێکاری میلان لە بەیاننامەیەکدا روونیکردووەتەوە؛
دڵخۆشین بە پێشوازیکردن لە تارێ وەکو ئەندامێکی نوێی خێزانی رۆسۆنێری. تارێ دروستترین کەسە تاوەکو سەر لە نوێ دەستپێبکەینەوە.
AC Milan announces the appointment of Igli Tare as the First Team’s Sporting Director#SempreMilan
— AC Milan (@acmilan) May 26, 2025
تارێ 15 ساڵ بەڕێوەبەری وەرزشی لازیۆ بوو، سەرپەرشتی بردنەوەی سێ نازناوی جامی ئیتاڵیا و سێ جامی سوپەری ئیتاڵیای لەگەڵ یانەکەی پایتەخت کردووە.
