راهێنەرێکی ناوداری ئیتاڵی دەبێتە دراوسێی کوردستان
یاریگا –
واڵتەر مەتزاری دەبێتە دراوسێی کوردستان و گرێبەست لەگەڵ یانەیەکی ئێرانی واژۆ دەکات.
رۆژنامەنووسی تۆڕی سکای ئیتاڵیا، روودی گالێتی بڵاویکردووەتەوە، واڵتەر مەتزاری ئیتاڵی لەگەڵ یانەی ئیستیقلال تەهرانی ئێرانی گەیشتووەتە رێککەوتنی کۆتایی و وەرزی داهاتوو وەک راهێنەری نوێی یانەکە دەستبەکار دەبێت.
هەر بەگوێرەی زانیارییەکانی گالێتی، هەموو شتێک لەنێوان هەردوولا کۆتایی هاتووە، واڵتەر واژۆی لەسەر پەڕاوەکانی گرێبەستەکەش کردووە و یانە ئێرانییەکە پاش هەوڵێکی زۆر توانی راهێنەرە ئیتاڵییەکە رازی بکات.
🚨🔥 EXCL | #Mazzarri will be the head coach of #EsteghlalFC next season: full agreement reached between the parties and contract already signed. ✍️
‼️ After a long courtship, the 🇮🇷 club has convinced the former Napoli manager: Walter is ready to begin his new adventure. pic.twitter.com/4aSuXh0W7w
— Rudy Galetti (@RudyGaletti) May 1, 2025
هەمان سەرچاوە ئاماژەی بەوەشکردووە، گرێبەستی راهێنەرە 63 ساڵانییەکە لەگەڵ ئیستقلال بۆ ماوەی وەرزێک دەبێت و لە هاوینی 2026 بەسەردەچێت، یانەکە پلانێکی گەورەی بۆ گەڕانەوە بۆ کێبڕکێی بەدەستهێنانی نازناوەکان داڕشتووە و یاریزانی گەورە بۆ راهێنەرە نوێیەکی دەگوازێتەوە.
ماتزاری پێشتر راهێنەرایەتی یانەکانی بۆڵۆنیا، رێجینا، سامپدۆریا، ناپۆلی، ئینتەر میلان، واتفۆرد، تۆرینۆ و کالیاری کردووە.
لە نۆڤێمبەری 2023 بۆجاری دووەم پۆستی راهێنەرایەتی ناپۆلی وەرگرت، بەڵام زۆری نەخایاند و لە شوباتی 2024 پاش تەنیا 17 یاریی لە پۆستەکەی دوورخرایەوە.
دوای جێهێشتنی ناپۆلیش سەرکێشییەکی نوێ لە کاروانی راهێنەرایەتی واڵتەر مەتزار دەستپێدەکات و دەبێتە دراوسێی کوردستان.
ئیستقلال تەهران لەم وەرزەی خولی ئێران بەدۆخێکی خرپدا تێدەپەڕێت، لەکۆی 28 یاریی تەنیا 7 یاریی بردووەتەوە، 12 یاریی یەکسانبووە و 9 یاریی دۆڕاندووە. بە کۆکردنەوەی 33 ساڵ پلەی هەشتەمی گرتووە.
🚨➕ More on the exclusive story on #Mazzarri to #EsteghlalFC: the contract is for 1 year and will start at the end of the season until summer 2026.
🎯 The 🇮🇷 club has set the goal of returning to fight for the title and will make important transfers to strengthen the squad. https://t.co/VLSLr5YSMY pic.twitter.com/HuTh0t1oZH
— Rudy Galetti (@RudyGaletti) May 2, 2025
