دەنگۆکانی مێرکاتۆ؛ ئەستێرەیەکی بارسێلۆنا بووەتە ئامانجی گەورەکان و ریال مەدرید سوورە لەسەر ئامانجێک

یاریگا –

مانچێستەر یوناتد و مانچێتسەر سیتی ئەستێرەیەکی بارسێلۆنایان دەوێت، ریال مەدرید سوورە لەسەر گواستنەوەی ئەستێرەیەکی گەورە و هێرشبەرەکەی نیوکاسڵ زۆرترین داواکاری لەسەرە…

هەوڵەکانی بارسێلۆنا بۆ تۆمارکردنی ناوی دانی ئۆلمۆ بۆ قۆناخی دووەمی لالیگا شکستیهێناوە، مان سیتی و مان یونایتد هەوڵەکانیان دەستپێکردووە – موندۆ دێپۆرتیڤۆ

ریال مەدرید دەیەوێت لە بازاڕی گواستنەوەی زستانەدا، ترێنت ئالێکساندەر ئارنۆڵد، بەرگریکاری لیڤەرپوول بگوازێتەوە و تاوەکو هاوینی داهاتوو چاوەڕێ ناکات – مارکا

ئالێکساندەر ئیزاک، هێرشبەری نیوکاسڵ ئامادەیە لە تیمەکەی بمێنێتەوە، بەو مەرجەی لە چوار پلەی پێشەوەی پرێمەرلیگدا بن – سەن

لیام دێلاپ، هێرشبەری ئیپسویچ تاون بووەتە ئامانجی داهاتووی چێڵسی – تۆک سپۆرت

کریستیانۆ رۆناڵدۆ جێهێشتنی نەسڕی سعوودی بەدوور نازانێت و لەوانەیە لە مانگی داهاتوودا یانەیەکی دیکە بدۆزێتەوە – مارکا

سەرەڕای خراپی ئەنجامەکان، کاتی زیاتر بە جولێن لۆپیتگێ، راهێنەری وێستهام دەدرێت – تێلێگراف

وۆڵڤز هەموو هەوڵێک بۆ گواستنەوەی کێڤن دانسۆ، بەرگریکاری لانسی فەڕەنسی دەدات – سکای سپۆرتس

بایەر لیڤەرکوزن و چەند یانەیەکی دیکە چاویان بڕیوەتە جەمیس مەکئاتێ، یاریزانی مانچێستەر سیتی – دەیلی مەیڵ

نیوکاسڵ یونایتد بڕی 20 ملیۆن پاوەندی بۆ گواستنەوەی جەیمس ترافۆرد، گۆڵپارێزی بێرنلی ئامادە کردووە – سەن

ئاتلێتیک بیلباو دەیەوێت بۆرخا ساینز، یاریزانی نۆرویچ سیتی بگوازێتەوە و بیکاتە شوێنگرەوەی نیکۆ ویڵیامس – سپۆرت

پێناچێت تۆتنهام گرێبەستی تیمۆ ڤێرنەر لە خواستنەوە بکاتە هەمیشەیی و لە هاوینی داهاتوودا دەگەڕێتەوە لایپزیگ – بیڵد

ئەیسی میلان و ناپۆلی لە سەرووی گرنگیپێدەران بە کریس وود، هێرشبەری نۆتینگهام فۆڕێستەوە دێن – فووتبۆڵ ئینسایدەر

مانچێستەر یونایتد و یوڤێنتوس بە جیدی بیر لە گواستنەوەی ئاندرێس کریستیێنسن، بەرگریکاری چێڵسی دەکەنەوە – موندۆ دێپۆرتیڤۆ

نیوکاسل یونایتد لە پێگەیەکی بەهێزدایە بۆ گواستنەوەی فیکایۆ تۆمۆری، بەرگریکاری ئەیسی میلان – کۆت ئۆفساید