دەنگۆکانی مێرکاتۆ؛ ئارسیناڵ لە ئەستێرەیەکی سانجێرمان نزیکە و میونشن واز لە ئەڵمانییەک ناهێنێت

یاریگا –

ئێڤەرتن هەوڵەکانی لەگەڵ جۆردان پیکفۆرد دەستپێکردووە و ئارسیناڵ لە ئەستێرەیەکی پاریس سانجێرمان نزیکە…

بایرن میونشن تاوەکو ئێستاش گەشبینە بە گواستنەوەی فلۆریان ڤیرتز، هەرچەندە ئەستێرە ئەڵمانییەکە گفتوگۆکانی نوێکردنەوەی گرێبەستەکەی لەگەڵ بایەر لیڤەرکوزن دەستپێکردووە – سکای دۆچلاند

ئێڤەرتن دەیەوێت ئۆفەرێکی گونجاو بۆ نوێکردنەوەی گرێبەستی جۆردان پیکفۆرد ئامادە بکات. تۆفیس دەیەوێت گرێبەستەکە تاوەکو کۆتاییهاتنی کاروانی وەرزشی پیکفۆرد بێت – TBR

لەوانەیە پاریس سانجێرمان بە ئۆفەری ئارسیناڵ لەبارەی گواستنەوەی رانداڵ کۆلۆ موانی رازیبێت – ستاندارد

چێڵسی، ئارسیناڵ و تۆتنهام لە نزیکەوە چاودێری ماکسیم دی کویپێر، بەرگریکاری بەلجیکی و کڵەب بڕووج دەکەن – کۆت ئۆفساید

مانچێستەر یونایتد دەرفەتی گواستنەوەی ڤیکتۆر ئۆسیمین، هێرشبەری نایجێری پێدراوە و ناپۆلی ئامادەیە گفتوگۆی لەسەر بکات، هەرچەندە ئێستا یاریزانەکە بە خواستن یاریی بۆ گاڵاتەسەڕای دەکات – TBR

ئینیگۆ کالدێرۆن، راهێنەری تیمی ژێر 18 ساڵانی برایتن، نزیکە لە وەرگرتنی پۆستی راهێنەرایەتی بریستۆل رۆڤەرز – سکای سپۆرتس

رود ڤان نیستێلڕۆی، راهێنەری لێستەر سیتی پشت بە پەیوەندییەکانی لە مانچێستەر یونایتد دەبەستێت، تاوەکو یاریزانی نوێ بگوازێتەوە ریزی یانە نوێیەکەی – فووتبۆڵ ئینسایدەر

مانچێستەر یونایتد لەگەڵ نوێکردنەوەی گرێبەستی ئێریک تێن هاخ لە هاوینی رابردوودا، پڕۆسەی گەڕانیان بە دوای راهێنەرێکی دیکە دەستپێکرد – تێلێگراف