لامین یامال نزیکە لە نوێکردنەوەی گرێبەستەکەی
یاریگا –
هەنگاوەکانی نوێکردنەوەی گرێبەستی لامین یامال دەگەنە قۆناخی کۆتایی.
رۆژنامەنووسی شارەزا لە بازاڕی گواستنەوەی یاریزانان نیکۆلۆ شیرا، بڵاویکردووەتەوە، لامین یامال نزیکە لە نوێکردنەوەی گرێبەستەکەی لەگەڵ بارسێلۆنا.
گرێبەستەکەی یامال لە هاوینی 2026 بەسەردەچێت، گرێبەستە نوێیەکەی تاوەکو هاوینی 2030 دەبێت و مەرجی هەڵوەشاندنەوەشی بڕی یەک ملیار یۆرۆ دەبێت.
Lamine #Yamal is getting closer to extend his contract with #Barça until 2030. #transfers #FCB
— Nicolò Schira (@NicoSchira) December 22, 2024
بەهۆی ئاستە بەرزەکەی، زۆرێک لە یانە گەورەکانی ئەوروپا و لە پێش هەموویانەوە پاریس سانجێرمانی فەڕەنسی، چاویان لەسەر بەهرەمەندە لاوەکەیە. بارساش نایەوێت لەدەستی بدات و گرێبەستێکی درێژخایەنی بە زیادکردنی مووچەکەی لەگەڵدا واژۆ دەکات.
یامالی تەمەن 17 ساڵ لە ئەکادیمیای بارسێلۆنا پێگەیشتووە، لەم وەرزە لە 21 یاریی بەشداری 18 گۆڵی کردووە، 6 گۆڵی کردووە و 12 گۆڵیشی دروستکردووە.
