فلۆرێنتینۆ پێرێز و کارلۆ ئەنچیلۆتی لەبارەی دۆخی ریال مەدرید کۆدەبنەوە
یاریگا –
فلۆرێنتینۆ پێرێز و کارلۆ ئەنچیلۆتی لەبارەی دۆخی ریال مەدرید کۆدەبنەوە.
رۆژنامەنووسێکی بەناوبانگی مەدریدی ئاشکرایکردووە، فلۆرێنتینۆ پێرێز سەرۆکی یانەی ریال مەدرید و کارلۆ ئەنچیلۆتی پێش یاریی داهاتووی یانەکەیان لەبارەی دۆخی ئێستای مێرەنگی کۆدەبنەوە، کە یانە مەدردیییەکە بە دۆخێکی نائاساییدا تێدەپەڕێت و ئەنجامەکانی بەدڵی هاندەرانی یانەکە نین.
❌ Descalabro y un cara a cara vital
☹️ Los minutos vividos después del partido en el vestuario fueron muy duros
✍️ Una información de @jfelixdiaz 👇https://t.co/7yYTVdwVk0
— MARCA (@marca) November 28, 2024
خۆسیێ فیلێکس دیاز، رۆژنامەنووسی رۆژنامەی مارکای ئیسپانی ئاشکرایکردووە، فلۆرێنتینۆ پێرێز و کارلۆ ئەنچیلۆتی پێش یارییەکەی خیتافی کە رۆژی یەکشەممە لە لالیگا دەکرێت، بەیەکەوە کۆدەبنەوە و گفتوگۆ لەبارەی دۆخی ئێستای یانە مەدریدییەکە دەکەن.
دوای ئەوەی ریال مەدرید لە چامپیۆنزلیگ 2-0 بە لیڤەرپوول دۆڕا، بە تەواوەتی ژووری جلگۆڕینی یانەکە بە دۆخێکی نائاساییدا تێدەپەڕێت، ژمارەی پێکانەکانی یاریزانانی یانەکە و ئەنجامە خراپەکانی رۆژ لەدوای رۆژ زیاتر دەبن.
رۆژنامەنووسە مەدریدییەکە راشیگەیاندووە، پێرێز و ئەنچیلۆتی لەبارەی متمانەی نێوانیان هەڵوەستە دەکەن، چونکە رۆژ لەدوای رۆژ لەناو دەستەی کارگێڕی ریال مەدرید متمانە بە راهێنەرە ئیتاڵییەکە کەم دەبێتەوە.
