دوا پەرەسەندن؛ ناپۆلی دەستبەرداری کڤاراتسخێلیا دەبێت
"کۆتا هەوڵی خۆیان دەدەن"
یاریگا –
رەنگە ناپۆلی بە ناچاری دەستبەرداری خڤیچا کڤاراتسخێلیای جۆرجی ببێت.
ماڵپەڕی میدیاسێت بڵاویکردووەتەوە، ئەگەر کڤارا لە هاوینی داهاتوو گرێبەستەکەی نوێنەکاتەوە، ناپۆلی دەستبەرداری دەبێت و یاریزانەکە دەخاتە لیستی فرۆشتن.
🚨 Napoli are ready to sell Khvicha Kvaratskhelia this summer if he does not sign a new contract.
The 23-year old has been linked to Manchester United.
(Source: Sportmediaset) pic.twitter.com/DABhz1RWXW
— Transfer News Live (@DeadlineDayLive) November 27, 2024
بەگوێرەی زانیارییەکانی میدیا ئیتاڵییەکە، مانچێستەر یونایتدی ئینگلیزی چاوی لەسەر ئەستێرە جۆرجییەکەیە، خۆی ئامادەکردووە تاوەکو ئۆفەرێکی بە مووچەی ساڵانەی هەشت ملیۆن یۆرۆ پێشکەش بکات.
مووچەی ساڵانای ئێستای یاریزانەکە لە ناپۆلی 2 ملیۆن یۆرۆیە، دی لاورێنسی سەرۆکی یانەکە ئامادەیە مووچەی ساڵانەی بۆ 6 ملیۆن یۆرۆ بەرزبکاتەوە. لە گرێبەستە نوێیەکەشدا چەند بڕگەیەک زیاد دەکات، کە پاداشتی دارایی زیاتر لەخۆ دەگرن.
بەڵام ئەگەر یاریزانە تەمەن 23 ساڵانییەکە ئۆفەرەکەی بەدڵ نەبێت و واژۆ لەسەر گرێبەستەکە نەکات، یانە ئیتاڵییەکە لە هاوینی داهاتوو بە ناچاری دەستبەرداری دەبێت، تاوەکو دواتر بەبێ بەرامبەر لەدەستی نەدەن.
هاوینی رابردوو پاریس سانجێرمان ئۆفەرێکی بە مووچەی ساڵانەی 10 ملیۆن یۆرۆ پێشکەش بە یاریزانەکە کرد، بەڵام ناپۆلی دەستبەرداری نەبوو.
تسخێلیا لە هاوینی 2022 بەبڕی 13.30 ملیۆن یۆرۆ لە دینامۆ باتومی جۆرجییەوە پەیوەندی بە ناپۆلی کرد. لە سەرجەم پاڵەوانێتییەکان بەشداری 103 گۆڵی کردووە، 30 گۆڵی کردووە و 28 گۆڵیشی کردووە، نازناوێکی سێریا ئەی بەدەستهێناوە.
