یاریگا –
بۆڵەر لیگ (خولی یاریزانانی تۆپی پێ) دەگاتە بەریتانیا و پڕۆژەکانی فراوان دەکات.
یارییە شەش یاریزانییەکە لە ئەڵمانیا لەلایەن ماتس هەمڵس و لوکاس پۆدۆڵسکی دامەزراوە و ئێستا ناوبانگێکی زۆری لەنێو هەوادارانی وەرزشی هەیە.
‘کەی ئێس ئای KSI’ یوتیوبەری بەناوبانگ کە ئێستا بووەتە مستوەشێن، کە هەژمارەکانی خۆی لە سۆشیاڵ میدیا، گەیشتنی یارییەکەی بۆ بەریتانیا ئاشکراکردووە.
لە ڤیدیۆییەکی سەرنجڕاکێشدا، کە هاوشێوەی رێکلامی کۆمپانیای نایکی بۆ هەڵبژاردەی بەڕازیل لە مۆندیالی 1998 بوو، گەیشتنی بۆڵەر لیگیان بۆ بەریتانیا ئاشکرا کرد.
ئەستێرەی وەکو لویس فیگۆ، جۆن تێری، گاری لینیکەر، ئالان شیرەر، رۆبێرت پیرێس، یێنز لیمان بەشدارییان لە ڤیدیۆیەکەدا کردووە.
View this post on Instagram
هەرچەندە تاوەکو ئێستا تەنیا رۆناڵدینیۆ و سپید بۆ ڤێرژنی ئەمریکا ئاشکرا کراون، بەڵام ڤێرژنی بەریتانیا پڕی ئەستێرەیە.
یاریی تاقیکاری لە لەندەن و مانچێستەر بەڕێوەدەچێت، یاریزانانی پێشووی تۆپی پێ و فوتساڵ و تەنانەت ئەو یاریزانانەی لە ئەکادیمیاکان یارییان کردووە، بەشداری یارییە تاقیکارییەکە دەکەن.
یاساکانی بۆڵەر لیگ چین؟
بۆڵەر لیگ پاڵەوانیەتییەکی داخراوی هەفتانەی تۆپی پێیە، بە بەشداری ئەفسانەکانی تۆپی پێ دەکرێت و یوتیوبەرە بەناوبانگەکان راهێنەرایەتییان دەکەن.
تیمەکان بە شەش یاریزان یاریی دەکەن، باشترین چوار تیم دەگەنە قۆناخی کۆتایی پلەی ئۆف و لە 12ی مایس/ئایاری ساڵی داهاتوو پاڵەوان دەستنیشان دەکرێت.
شێوازی بەڕێوەچوونی پاڵەوانیەتییەکە هاوشێوەی کینگس لیگ ‘خولی پاشاکان’ی جێرارد پیکێیە.
یارییەکان بەشێوەیەکی راستەوخۆ دەگوازرێتەوە و چەنکز، یوتیوبەری بەناوبانگی بەریتانی، بەرنامەیەکی هەفتانەی لەسەر یارییەکە دەبێت.
View this post on Instagram
کەی ڤێرژنی بەریتانیا دەستپێدەکات؟
بەگوێرەی زانیارییەکانی سەرەتایی بێت، بڕیارە پاڵەوانیەتییەکە لە مارس/ئاداری ساڵی 2025 دەستپێدەکات.
یاساکانی بۆڵەر لیگ
- یارییەکە بە بەشداری شەش یاریزان (یەک تیم) لە یاریگای داخراو بەڕێوەدەچێت.
- هەر گێمێکی یارییەکە 15 خوولەکە.
- یاساکانی شۆکهێنەر لە دوا سێ خوولەکی هەر گێمێک پەیڕەو دەکرێن، لەوانەیە یاسای شۆکهێنەر کەمکردنەوەی یاریزانانی تیمێک بۆ سێ یاریزان بێت، یاخود گۆڵی دوورمەودا بە دوو گۆڵ هەژمار بکرێت، یان رێگرتن لە گۆڵپارێز بۆ بەکارهێنانی دەست.
- شێوازی پێناڵتی ئەمریکی بەکاردەهێندرێت (یاریزان بەرەوڕووی گۆڵپارێز بچێت).
- چوار تیمی پێشەنگ دەگەنە قۆناخی پلەی ئۆف.
- بۆڵەر لیگ لە مارس/ئاداری ساڵی 2025 دەستپێدەکات و مانگی مایس/ئایار تەواو دەبێت.
