یاریگا –
ئەمڕۆ پاڵەوانی وەرزی رابردووی لالیگا لە دوای وەستانە نێودەوڵەتییەكان لە دەرەوەی یاریگای خۆیدا دەبێتە میوانی لێگانێس.
وا بڕیارە ئەمڕۆ یەكشەممە كاتژمێر 20:30 بە كاتی كوردستان لێگانێس لە یاریگای خۆیدا میوانداری ریال مەدرید بكات، لە میانی یارییەكانی گەڕی 14 لالیگا.
كوڕانی كارلۆ ئانچێلۆتی وەرزی 2024/25یان بە بردنەوەی نازناوی سوپەری ئەوروپا دەستپێكرد، كاتێك توانیان لە ئاتاڵانتا ببەنەوە، لە لالیگاش بە كۆكردنەوەی 27 خاڵ لە ریزبەندی سێیەم دێن و بە جیاوازی حەوت خاڵ لە دوای بارسای پێشەنگەوەن.
ریال مەدرید لەم وەرزەی لالیگادا 12 یاریی كردووە و توانیویەتی هەشت یاری بردووەتەوە و سێ یاری یەكسان بووە و یارییەكیش دۆڕاوە.
بە كۆكردنەوەی 27 خاڵ لە پلەی سێیەمی ریزبەندی لالیگا دێت.
لە بەرامبەردا لێگانێس لە كۆی 13 یاریی سێ یاری براوە بووە و پێنج یاریی یەكسان بووە و و پێنج یاریش دۆڕاوە.
بە كۆكردنەوەی 14 خاڵ لە ریزبەندی 14 لالیگا دێت.
هەواڵی پێكانی یاریزانەكان
لێگانێس بەبێ فرانكێسا و تابیا رووبەرووی ریال مەدرید دەبێتەوە.
لە بەرامبەردا یانە شاهانەكە ئیدێر میلیتاو، رۆدریگۆ، لوكاس ڤازكێز، ئۆرێلیەن چوامینی، دانی كارڤاخال و دەیڤد ئالابا بێبەش دەبێت.
پێکهاتەی پێشبینیکراوی ریال مەدرید
كۆرتوا
ڤاڵڤێردی، ئەسینسیۆ، رودیگەر، مێندی
كاماڤینگا، مۆدریچ، بێڵینگهام
دیاز، ئێمباپێ، ڤینیسیۆس
پێکهاتەی پێشبینیکراوی لێگانێس
دیمیترۆڤیچ
فرانكوێسا، ناستاسیچ، گۆنزالێز، ئالتیمیرا
سیسێ، تاپیا
حەدادی، براشاناك، كروز
فوێنتێ
