یاریگا –
کاردانەوەکانی یاریی گەڕی رابردووی لووتکەی پرێمەرلیگی نێوان مانچێستەر سیتی و ئارسیناڵ درێژەی هەیە و لێدوانی لە دژی لێدوان بڵاودەکرێنەوە.
جەنگەکەی ئیتیحاد کە پڕ سیناریۆی جۆراوجۆر بوو، بە یەکسانبوونی 2-2 کۆتایی هات. گێمی دووەم گەنەرز کە بە یاریزانێ کەمترەوە یارییان دەکرد بەهۆی کارتە سوورەکەی لیاندرۆ ترۆسار، ناچاربوون تا فیکەی کۆتایی لەناوچەی نزیک گۆڵی خۆیان بەرگری بکەن کە بە دەستەواژە باوەکەی میدیای وەرزشی ئینگلیزی “پاسەکەیان پارک کردبوو“.
دوای یارییەکە یاریزانانی سیتی لەنێویاندا جۆن ستۆنز، بێرناردۆ سیلڤا و ئاکانجی رەخنەی توندیان لەو شێوازی یاریکردنە گرت و لە وەڵامیشدا میکێل ئارتێتای راهێنەر لێدوانێکی ناروونی دا و وتی
کۆمێنتم نیە. من لەوێ بوومە (2016-2019 وەک یاریدەری راهێنەر). من چوار ساڵ لەوێ بووم. هەموو زانیارییەکم لایە باوەڕم پێبکە. هەموو شت دەزانم.
وا دیارە ئەو قسەیە هەروا ئاسان لای پێپ گواردیۆلا نەرۆشتووە و لە کۆنفرانسی رۆژنامەوانی پێش یاریەکە نیوکاسڵ وتی
بۆ جارێکیتر ئارتێتا پێویستە روونتربێ کتومت مەبەستی چیە لەو قسەیە. وتوویەتی چوار ساڵ لێرە بوومە. ئێ ئێمەش دەزانین چی روویداوە لێرە. چونکە رەنگە بە هەموو جۆرێک پەیوەندی بە 115 تۆمەتەکەوە بێت. رەنگە مەبەستی ئەوەبێ. رەنگە زانیاریی لەسەر ئەوە هەبێ.
بۆیە بۆ جاری داهاتوو، وەک ئەوەی کە پەیوەدیم باشە لەگەڵیدا، ئەم پرسیارە وەڵامێکی روونی هەبێ.
🚨 Pep Guardiola on Arteta’s stating he “knows things” about City: “Next time he has to be more clear exactly what does it mean!”.
“Mikel said he was here four years and we know exactly what happened here, because it can be related in all the process now with 155 charges, maybe… pic.twitter.com/7PlfHafRoo
— Fabrizio Romano (@FabrizioRomano) September 27, 2024
دوای پێنج هەفتە لە یاریەکانی پرێمەرلیگ، سیتی بە 13 خاڵەوە پلەی یەکەمە و ئارسیناڵیش پلەی پێنجەمە و خاوەنی 11 خاڵە.
