دووانە تۆقێنەرەکەی بارسا بێ وێنەن لەسەر ئاستی پێنج خولە گەورەکەی ئەوروپا
یاریگا –
ئەمشەو بارسێلۆنا بە بردنەوەیەکی گەورە هاندەرانی ئاشتکردەوە دوای ئەوەی هەفتەی رابردوو لە یەکەم تاقیکردنەوەی چامپیۆنزلیگ بە مۆناکۆی فەڕەنسا دۆڕا.
بارسا لە هەفتەی شەشەمی خۆیاندا بوون بە میوانی ڤیاڕیاڵ و 1-5 خاوەنماڵیان گۆڵبارانکرد لە رێگەی رۆبێرت لیڤاندۆڤسکی 2 گۆڵ، پابلۆ تۆرێ گۆڵێک و رافینیا دیاز 2 گۆڵ. بەوەش بە ئاسوودەیی و بە جیاوازیی 4 خاڵ لە ریاڵ مەدریدی پلەی دووەمەوە، پێشەنگیان قایمترکرد.
ئێستا یانەکە کەتەلۆنییەکە تاکە یانەیە لەسەر ئاستی پێنج خولە بەهێزەکەی ئەوروپا دوو یاریزان یان زیاتری هەبێ کە لەم وەرزە 5 گۆڵ یان زیاتریان تۆمارکردبێ.
بە جۆرێک، هێرشبەرە پۆڵەندیەکە خاوەنی 6 گۆڵە و بەڕازیلیەکەش 5 گۆڵ.
1 – #Barcelona 🔵🔴 are the only team in Europe's top five leagues to have at least two players who have scored 5+ goals this season (Robert Lewandowski with 6 and Raphinha with 5). Duo. pic.twitter.com/fxMtK9OggV
— OptaJose (@OptaJose) September 22, 2024
هاوکات هەر لەسەر ئاستی ئەو خولە بەهێزانەی کیشوەرەکە، بلاوگرانا خاوەنی بەهێزترین هێڵی هێرشبەرییە لەرووی تۆمارکردنی گۆڵەوە و 22 گۆڵیان تۆمارکردووە.
