یاریگا-
تۆڕی وەرزشی یاریگا درێسی یەکەم و دووەمی یانەی نەورۆز بۆ وەرزی نوێێ خولی ئەستێرەکانی عێراق بڵاو دەکاتەوە و نرخی درێسەکانیش ئاشکرا دەکات.
درێسی یەکەمی نەورۆز بۆ وەرزی داهاتووی خولی ئەستێرەکانی عێراق رەنگی سوور و رەش دەبێت و درێسی دووەمی یانەکەش رەنگی سپی دەبێت، لەکاتێکدا پێشتر رەنگی درێسی یەکەمی یانەکە سپی بوو.
سامان جومعە خاوەنی فرۆشگای وەرزشی یۆهان سپۆرت کە درێسەکانی یانەی نەورۆز دابین دەکات، لە لێدوانێکیدا بە تۆڕی وەرزشی یاریگای راگەیاند :’درێسی یەکەم و دووەمی نەورۆز لە کۆمپانیای پوما لە ئەڵمانیا بەرهەم هێنراوە، نزیکەی سێ هەزار درێسمان ئامادە کردووە و هاندەران دەتوانن لە فرۆشگاکەمان بیکڕن، نرخی درێسی ئۆرجیناڵ 50 هەزار دینارە و نرخی درێسی کۆپییەکەی 15 هەزار دینارە’.
نەورۆز رۆژی شەممە لە گەڕی یەکەمی خولی ئەستێرەکانی عێراق لە دەرەوەی یاریگای خۆی دەبێتە میوانی کەربەلا.
