مەحموود داهوود ئەستێرەی رۆژئاوای کوردستان دەچێتە ریزەکانی ئێنتراخت فرانکفۆرت
یاریگا –
مەحموود داهوود ئەستێرەی رۆژئاوای کوردستان لە چوونی بۆ ریزەکانی ئێنتراخت فرانکفۆرتی ئەڵمانی نزیکە.
فلۆریان پلێتینبێرگ رۆژنامەنووسی ئەڵمانی و پەیامنێری کەناڵی سکای سپۆرتی ئەڵمانی ئاشکرایکردووە، برایتنی ئینگلیزی و ئێنتراخت فرانکفۆرتی ئەڵمانی گەیشتوونەتە رێککەوتن، مەحموود داهوود ئەستێرەی رۆژئاوای کوردستان دەچێتە ریزەکانی یانە ئەڵمانییەکە.
داهوود لە رێگایە بۆ ئەوەی لە بارەگای یانە نوێیەکەی پشکنینی پزیشکی بۆ بکرێت و واژۆ لەسەر گرێبەستی یانەکەی بۆندسلیگا بکات.
🚨🦅 Mo #Dahoud, a new player of @Eintracht soon ✔️
Total agreement between Eintracht Frankfurt and Brighton has been reached as reported earlier. It’s a permanent deal. #SGE
Dahoud on his way to the medical now. Exclusive news, set to be confirmed. @berger_pj | @SkySportDE… pic.twitter.com/3OqXxpOJ1h
— Florian Plettenberg (@Plettigoal) August 30, 2024
مەحموود داهوود (28 ساڵان) پێشتر لە یانەکانی بۆڕووسیا دۆرتمۆند و بۆڕووسیا مونشنگلادباخی ئەڵمانی یاریی کردووە و هاوینی رابردوو چووە ریزەکانی یانەی برایتنی ئینگلیزی و سەرەتای ئەمساڵ بە شێوەی خواستن گەڕایەوە بۆندسلیگا.
مەحموود تەمەنی تەنیا 9 مانگ بووە کاتێک لەگەڵ خانەوادەکەی لە ترسی رژێمی حافز ئەسەد لە سووریا و رۆژئاوای کوردستان بەرەو ئەڵمانیا هەڵاتوون و لەوێ نیشتەجێ بوون، ئەو کوڕە کوردە ساڵی 1996 لە شاری عاموودا لە پارێزگای حەسەکەی رۆژئاوای کوردستان لەدایک بووە.
