دەنگۆکانی مێرکاتۆ؛ سعودیەكان ئەستێرەیەكی مەدریدیان دەوێت و لوكاكو لەلایەن یانەیەكی ئیتاڵی داواكراوە

یاریگا –

ئەستێرەیەكی ریال مەدرید لەلایەن سعودیەوە داواكراوە و مانچێستەر یونایتد گۆڵكارێكی پرێمەرلیگی دەوێت.

ڤینیسیۆس جونیۆر، ئەستێرەی بەڕازیلی یانەی ریال مەدریدی ئیسپانی لەلایەن خولی رۆشنی سعودیەوە داواكراوە – ESPN

مانچێستەر یونایتد گفتوگۆكانیان بۆ گواستنەوەی دۆمینیك كالڤێرت لوین هێرشبەری یانەی ئێڤەرت دەستپێكردووە – سكای سپۆرتس

ساوسامتن ئامادەیە بە 15 ملیۆن یۆرۆ دەستبەرداری ئارمێل بێلا كۆتچاب بۆ ریزەكانی هۆفنهایم ببێت و بڕیارە سبەی پشكنینەكانی پزیشكی بۆ بكرێت – سكای سپۆرتس

ناپۆلی ئۆفەرێكی بە بەهای 25 ملیۆن یۆرۆ و 5 ملیۆن گۆڕانكاری بۆ گواستنەوەی رۆمیلو لوكاكو پێشكەشی چێڵسی كردووە – دی مارزیۆ

نیوكاسڵ دەیەوێت یاریزانێكی دیكەی دڵی بەرگری بگوازێتەوە دوای ئەوەی سێ جار ئۆفەریان بۆ گواستنەوەی مارك گێی پێشكەشی كریستاڵ پاڵاس كرد و سەرجەمیان رەتكرانەوە – ئاتلێتیك

كریستاڵ پاڵاس چاودێری دۆخی كارنێی چوكوێمیكا یاریزانی یانەی چێڵسی دەكات و دەیەوێت ئۆفەرێك بۆ گواستنەوەی پێشكەش بكات – ساوس لەندەن پرێس

كریس مێپام بەرگریكاری وێڵزی یانەی بۆرنمس دەیەوێت لە گواستنەوەكانی هاوینەدا یانەكەی جێبهێڵێت، هەریەك لە یانەكانی ئیپسویچ تاون و تۆرینۆ ئارەزووی گواستنەوەی دەكەن – فابریزیۆ رۆمانۆ

 لێستەر سیتی لەگەڵ بایەر لیڤەركوزن بۆ گواستنەوەی ئادەم هلۆزێك گەیشتە رێككەوتن و هێرشبەرە چیكیەكە بە خواستن پەیوەندی بە یانە ئینگلیزیەكەوە دەكات – سكای ئەڵمانیا

مانچێستەر یونایتد جارێكی دیكە گفتۆگۆكانی لەگەڵ ئێڤەرتن بۆ گواستنەوەی جاراد برانسوەیت دەستپێكردەوە – فوتبۆڵ ئینسایدەر 

نۆتینگهام لە گواستنەوەی رامۆن سۆسای هێرشبەری پاراگوای نزیك دەبێتەوە – تێلیگراف

ئاستۆن ڤێلا، فولهام و كریستاڵ پاڵاس كێبڕكێی گواستنەوەی تریڤۆ چالۆبا یاریزانی یانەی چێڵسی دەكەن – فووتبۆڵ ئینسایدەر