بارسێلۆنا دەیەوێت دەستبەرداری یاریزانێكی ببێت

یاریگا –

یانەی بارسێلۆنای ئیسپانی دەیەوێت دەستبەرداری ڤیتۆر رۆكی بەڕازیلی و هێرشبەری یانەكەی ببێت.

رۆكی لە گواستنەوەكانی زستانەدا لە ریزەكانی ئاتلێتیكۆ پاراناینسێ بە بەهای 40 ملیۆن یۆرۆ پەیوەندی بە بارسێلۆناوە كرد.

گرێبەستەكەی لەگەڵ یانە كەتەلۆنییەكە لە هاوینی ساڵی 2027 بەسەردەچێت.

#الهلال ينتظر النمر#خبر_الليلةhttps://t.co/Q3CLAHJyVw pic.twitter.com/sK1nqo9Eqq

— صحيفة الرياضية (@ariyadhiah) July 25, 2024

بە گوێرەی زانیارییەكانی ریازیەی سعودی، بارسێلۆنا رەزامەندی لەسەر فرۆشتنی ڤیتۆر رۆكی بۆ هیلال دەربڕیوە.

ئاماژە بەوەشكراوە، ئێستا یانەكە لە هەوڵی رازیكردنی یاریزانەكەدان كە پەیوەندی بە هیلالی سعودیەوە بكات.

هەمان سەرچاوە ئەوەشی ئاشكرا كردووە، ڤیتۆر رۆكی نایەوێت ئەوروپا جێبهێڵێت و دەیەوێت لەو كیشوەرە بەردەوام بێت لە یاریكردن.

رۆژنامە سعودیەكە ئاشكرایكردووە، نرخی ئێستای یاریزانەكە 30 ملیۆن یۆرۆیە.

رۆكی لەگەڵ بارسا 16 یاری كردووە و توانیویەتی دوو گۆڵ بكات.