یاریگا –
تیمی پزیشکی بارسێلۆنا بڕیاری ئەنجامدانی نەشتەرگەری بۆ رۆناڵد ئاراوخۆ دەدات.
رۆژنامەی سپۆرت بڵاویکردووەتەوە، لە دوای گەڕانەوەی یاریزانانی بارسا بۆ بەشداریکردن لە ئامادەکارییەکانی وەرزی نوێ، تیمی پزیشکی بارسا پشکنینی تەواوییان بۆ ئاراوخۆ کردووە.
بەگوێرەی راپۆرتی تیمی پزیشکی یانە کاتالوونییەکە بێت، ئاراوخۆ دەبێ نەشتەرگەرییەکی بەپەلە بکات و بەمەش تاوەکو کۆتاییەکانی نۆڤێمبەر/تشرینی دووەم و ناوەڕاستی دیسێمبەر/کانوونی یەکەم ناگەڕێتەوە یارییەکان.
Confirma @MatteMoretto el quirófano de Araujo, que en su llegada a Barcelona ha visto y se ha convencido, como apuntábamos, de que la operación es el mejor camino.
Volverá alrededor de diciembre. https://t.co/U0i6TC93jB
— Toni Juanmartí (@tjuanmarti) July 15, 2024
ئاراوخۆ لە یاریی نێوان ئوروگوای و بەرازیل لە قۆناخی چارەکی کۆتایی کۆپا ئەمێریکا تووشی پێکانبوو بەو هۆیەوە نەیتوانی یارییەکانی پاڵەوانیەتییەکە تەواو بکات.
رۆژنامەکە لە سەرچاوەی ئاگاداری نێو یانەکە، ئەنجامدانی نەشتەرگەری بۆ ئاراوخۆ پشتڕاست دەکاتەوە و ئەمەش زیانێکی بە پێکهاتەی هانسی فلیک دەگەیەنێت.
